شىمكەنت مۇناي ٶڭدەۋ زاۋىتى اۋقىمدى جٶندەۋدەن كەيٸن جۇمىسىن قايتا باستادى, دەپ حابارلايدى dalanews.kz.
كەسٸپورىندا جوسپارلى الدىن الۋ جٶندەۋ جۇمىستارى 27 ناۋرىزدا باستالعان. ەنەرگەتيكا مينيسترلٸگٸ بەكٸتكەن كەستەگە سەيكەس جٷرگٸزٸلگەن جۇمىستار بەلگٸلەنگەن مەرزٸمنەن ٷش كٷن بۇرىن اياقتالدى.
22 سەۋٸردەن باستاپ مۇنايدى باستاپقى ٶڭدەۋ ٶندٸرٸسٸ قالىپتى رەجيمگە كٶشسە, 2 مامىردا تەرەڭ ٶڭدەۋ كەزەڭٸ دە تولىق ٸسكە قوسىلدى. جٶندەۋ بارىسىندا 573-تەن استام قۇرال-جابدىق پەن 170 قۇبىر جەلٸسٸنە تەحنيكالىق تەكسەرٸس جٷرگٸزٸلٸپ, نەگٸزگٸ پەشتەر مەن ماڭىزدى قوندىرعىلارعا كٷردەلٸ جٶندەۋ جاسالعان. اتاپ ايتقاندا, ەلوۋ-ات, ديزەل وتىنىن گيدروتازارتۋ جەنە كاتاليتيكالىق كرەكينگ قوندىرعىلارى جاڭعىرتىلدى.
"قازمۇنايگاز" مەلٸمەتٸنشە, جٶندەۋ كەزەڭٸندە ٸشكٸ نارىقتاعى جانار-جاعارماي تۇراقتىلىعى ساقتالىپ, زاۋىت ٶنٸمدەرٸ رەزەرۆتٸك قورلار ەسەبٸنەن ٷزدٸكسٸز جەتكٸزٸلٸپ وتىرعان.
الداعى ۋاقىتتا زاۋىتتاعى كەلەسٸ ٸرٸ جٶندەۋ جۇمىستارى 2030 جىلعا جوسپارلانعان. بۇعان دەيٸن, 2028 جىلى جەكەلەگەن قوندىرعىلارعا قىسقا مەرزٸمدٸ اعىمداعى جٶندەۋ جٷرگٸزۋ كٶزدەلٸپ وتىر.
