«Qazmyrysh» kásipornyndaǵy jarylystan soń aýa sapasyna monitoring júrgizilip, qaladaǵy mektepterdiń jumysyna qatysty sheshim qabyldandy, dep habarlaidy dalanews.kz.
Buǵan deiin áleýmettik jelilerde kásiporyn mańynda qoiý, bult tárizdes tútinniń fotosýretteri men videolary tarady. Bul jaǵdai turǵyndar arasynda mektep oqýshylaryn onlain oqytýǵa kóshirý týraly usynystardyń týyndaýyna sebep boldy.
Shyǵys Qazaqstan oblysy Bilim basqarmasy osy oqiǵaǵa qatysty pikir bildirdi.
Aýa sapasyna júrgizilgen tekserý nátijesinde shekti ruqsat etilgen kontsentratsiia normalarynyń asyp ketýi anyqtalmady. Sondyqtan mektepterde sabaqtar ádettegi rejimde jalǵasady.
Aita keteiik, kásiporyndaǵy jarylystan eki adam qaza taýyp, taǵy beseýi jaraqat aldy. Qazirgi ýaqytta zardap shekkenderge meditsinalyq kómek kórsetilip jatyr.
