«بەس قارا» جشس سارىاعاش اۋدانىندا 4 ٸرٸ جوبانى جٷزەگە اسىرۋعا نيەتتٸ. قۇس ەتٸن دايىنداۋ جەنە سويۋ بەكەتٸ جوباسىنىڭ قۇنى – 700 ملن تەڭگە, سونىمەن قاتار 25 ادامدى جۇمىسپەن قامتيدى. جوبا جٷزەگە اسۋدا. قازٸرگٸ تاڭدا جاڭا قۇرىلعىلاردى سىناقتان ٶتكٸزٸپ جاتىر.
ال ٸرٸ قارا مال ٷشٸن بورداقىلاۋ الاڭىن 2500 باسقا كەڭەيتۋ جوباسى بيىل كٷزدە جٷزەگە اسپاق. جوبا بويىنشا جەر انىقتالىپ, قۇرىلىسى باستالعان.
اتالعان ينۆەستور مۇنىمەن توقتاماي, 20 مىڭ باس ۇساق مالعا ارنالعان بورداقىلاۋ الاڭىن دا سالماق. جوبا قۇنى – 500 ملن تەڭگە. جوبا 2024 جىلعا قاراي جٷزەگە اسادى. سونىمەن بٸرگە «بەس قارا» جشس ارنايى مال سويۋ بەكەتٸن اشىپ, ەتتٸ شەتەلگە ەكسپورتتاماق.
ينۆەستشتاب وتىرىسىندا ٶزبەكستاننىڭ «GLOBAL TEXTILE» كومپانيياسىنىڭ باسشىلىعىنىڭ دا ۇسىنىستارى مەن پٸكٸرلەرٸ تىڭدالدى. ٶڭٸر باسشىسى جوبانى جىلدامىراق جٷزەگە اسىرۋ قاجەت ەكەنٸن جەتكٸزدٸ.
– بٸزگە ەربٸر ينۆەستيتسييالىق جوبا ماڭىزدى. اۋدان, قالا ەكٸمدەرٸ, جاۋاپتى باسقارمالار بۇل باعىتتا جۇمىستى توقتاتپاۋى كەرەك. بٷگٸن ۇسىنىلعان جوبالارعا قولداۋ كٶرسەتٸلەدٸ.
بيىل ماقتاارال اۋدانىندا «Global Textile Turkistan» جشس كەڭسەسٸنٸڭ رەسمي اشىلۋى جوسپارلانۋدا. بٷگٸنگٸ تاڭدا ماقتاارال اۋدانىنىڭ فەرمەرلەرٸمەن 15 گەكتارعا «نامانگان-77» شيتٸن ەگۋ تۋرالى ۋاعدالاستىققا قول جەتكٸزٸلگەن. ال «ەت اگرو مانكەنت» كومپانيياسى سايرام اۋدانىنان 5000 باسقا ارنالعان بورداقىلاۋ الاڭىن, ەتتٸ تەرەڭ ٶڭدەۋ كەشەنٸن, سويۋ بەكەتٸن سالماق. جوبانىڭ قۇنى – 6 000 ملن تەڭگە. 100 جۇمىس ورنى اشىلماق. جەر, نەسيە جەنە گازبەن قامتۋ مەسەلەسٸ بار. بۇل مەسەلەلەر باقىلاۋعا الىندى.
تٷركٸستان وبلىسى كەسٸپكەرلٸك جەنە ٶنەركەسٸپ باسقارماسىنىڭ باسشىسى ن.مىرزاحمەتوۆ ينۆەستيتسييالىق شتابتا بەرٸلگەن حاتتامالىق تاپسىرمالاردىڭ ورىندالۋ بارىسى تۋرالى ەسەپ بەردٸ. وبلىس ەكٸمٸ وسى سالادا مٸندەتٸن دۇرىس اتقارا الماي وتىرعان بٸرنەشە ەكٸمگە سىن-ەسكەرتپە ايتىپ, جۇمىستى شيراتۋدى تاپسىردى.
– وبلىستاعى يندۋستريالدى ايماقتاردىڭ بەرٸنە رەۆيزييا جاسالىپ, مەسەلەلەرٸ تٷگەل زەردەلەنسٸن. بۇل تٷيتكٸلدٸ شەشۋ كەرەك. يندۋستريالدى ايماقتارعا جاناشىرلىقپەن جەنە جاۋاپكەرشٸلٸكپەن قاراعان جٶن. ەربٸرٸڭٸز ەرتٷرلٸ سىلتاۋ ايتاسىزدار. ينۆەستورلارعا جاعداي جاساپ, كەسٸپورىنداردى كٶبەيتۋ – ورتاق مٸندەت. جاڭا جوبالار, ٸزدەنٸستەر از. جۇمىستى شيراتىڭىزدار. «اۋىل اماناتى» جوباسى بويىنشا حالىققا ناقتى كٶمەك كٶرسەتٸپ, سٷيەمەلدەۋ كەرەك, – دەگەن دارحان ساتىبالدى جاۋاپتى باسشىلار مەن اۋدان, قالا ەكٸمدەرٸنە تاپسىرمالار بەردٸ.
ينۆەستيتسييالىق شتاب وتىرىسىندا ۇسىنىلعان جوبالار مەن تاپسىرمالاردىڭ ورىندالۋى بويىنشا ەر اپتادا ەسەپ بەرٸلٸپ تۇرادى. حاتتامالىق تاپسىرمالاردىڭ ورىندالۋى وبلىس ەكٸمٸنٸڭ تٸكەلەي قاداعالاۋىنا الىنعان.
