«Bes Qara» JShS Saryaǵash aýdanynda 4 iri jobany júzege asyrýǵa nietti. Qus etin daiyndaý jáne soiý beketi jobasynyń quny – 700 mln teńge, sonymen qatar 25 adamdy jumyspen qamtidy. Joba júzege asýda. Qazirgi tańda jańa qurylǵylardy synaqtan ótkizip jatyr.
Al iri qara mal úshin bordaqylaý alańyn 2500 basqa keńeitý jobasy biyl kúzde júzege aspaq. Joba boiynsha jer anyqtalyp, qurylysy bastalǵan.
Atalǵan investor munymen toqtamai, 20 myń bas usaq malǵa arnalǵan bordaqylaý alańyn da salmaq. Joba quny – 500 mln teńge. Joba 2024 jylǵa qarai júzege asady. Sonymen birge «Bes Qara» JShS arnaiy mal soiý beketin ashyp, etti shetelge eksporttamaq.
Investshtab otyrysynda Ózbekstannyń «GLOBAL TEXTILE» kompaniiasynyń basshylyǵynyń da usynystary men pikirleri tyńdaldy. Óńir basshysy jobany jyldamyraq júzege asyrý qajet ekenin jetkizdi.
– Bizge árbir investitsiialyq joba mańyzdy. Aýdan, qala ákimderi, jaýapty basqarmalar bul baǵytta jumysty toqtatpaýy kerek. Búgin usynylǵan jobalarǵa qoldaý kórsetiledi.
Biyl Maqtaaral aýdanynda «Global Textile Turkistan» JShS keńsesiniń resmi ashylýy josparlanýda. Búgingi tańda Maqtaaral aýdanynyń fermerlerimen 15 gektarǵa «Namangan-77» shitin egý týraly ýaǵdalastyqqa qol jetkizilgen. Al «Et Agro Mankent» kompaniiasy Sairam aýdanynan 5000 basqa arnalǵan bordaqylaý alańyn, etti tereń óńdeý keshenin, soiý beketin salmaq. Jobanyń quny – 6 000 mln teńge. 100 jumys orny ashylmaq. Jer, nesie jáne gazben qamtý máselesi bar. Bul máseleler baqylaýǵa alyndy.
Túrkistan oblysy kásipkerlik jáne ónerkásip basqarmasynyń basshysy N.Myrzahmetov Investitsiialyq shtabta berilgen hattamalyq tapsyrmalardyń oryndalý barysy týraly esep berdi. Oblys ákimi osy salada mindetin durys atqara almai otyrǵan birneshe ákimge syn-eskertpe aityp, jumysty shiratýdy tapsyrdy.
– Oblystaǵy indýstrialdy aimaqtardyń bárine reviziia jasalyp, máseleleri túgel zerdelensin. Bul túitkildi sheshý kerek. Indýstrialdy aimaqtarǵa janashyrlyqpen jáne jaýapkershilikpen qaraǵan jón. Árbirińiz ártúrli syltaý aitasyzdar. Investorlarǵa jaǵdai jasap, kásiporyndardy kóbeitý – ortaq mindet. Jańa jobalar, izdenister az. Jumysty shiratyńyzdar. «Aýyl amanaty» jobasy boiynsha halyqqa naqty kómek kórsetip, súiemeldeý kerek, – degen Darhan Satybaldy jaýapty basshylar men aýdan, qala ákimderine tapsyrmalar berdi.
Investitsiialyq shtab otyrysynda usynylǵan jobalar men tapsyrmalardyń oryndalýy boiynsha ár aptada esep berilip turady. Hattamalyq tapsyrmalardyń oryndalýy oblys ákiminiń tikelei qadaǵalaýyna alynǵan.
