سونىمەن قاتار، جالپى وبلىستا جىلۋ بەرۋ مەرزىمى – 1 قاراشاعا بەلگىلەنىپ وتىر. الايدا ماماندار ۋاقىتىنان بۇرىن اۋا رايى سۋىپ كەتسە، جىلىتۋ ماۋسىمى ەرتەرەك باستالاتىنىن جەتكىزدى.
– وڭىردەگى 2748 بيۋدجەتتىك مەكەمە جىلىتۋ ماۋسىمىنا تولىق دايىندالىپ، ولارعا قاجەتتى 171،1 مىڭ توننا كومىر وتىنى جانە 5 ملن. 143،7 مىڭ ليتر سۇيىق وتىن تولىق تاسىمالداندى. وبلىستاعى ورتالىقتاندىرىلعان جىلۋمەن قامتاماسىز ەتەتىن مەكەمەلەرگە كومىردىڭ قاجەتتىلىگى 108،8 مىڭ توننا بولسا، تاسىمالدانعانى 43،2 مىڭ توننا. وبلىستاعى تۇرعىنداردىڭ كومىرگە قاجەتتىلىگى – 902 مىڭ توننا، تاسىمالدانعانى 301،2 مىڭ توننا (33،4%). تاسىمالداۋ جالعاسۋدا. تەمىرجول ستانسياسى قويمالارىنداعى 1 توننا كومىردىڭ ساتىلۋ باعاسى – «شۇباركول» كومىرى 14-17 مىڭ تەڭگە اراسىندا. تۇرعىندار كومىردى قازىردەن باستاپ ستانسيا قويمالارىنان ارزان باعادا ساتىپ العاندارى دۇرىس، – دەدى يگىلىك عابيت ۇلى.
بۇدان وزگە، وبلىستىڭ مازۋت وتىنى بويىنشا قاجەتتىلىك كولەمى – 9،6 مىڭ توننا. بۇگىنگى كۇنگە تاسىمالداۋشى مەكەمەمەن كەلىسىم-شارت جاسالعان. اعىمداعى جىلدىڭ قازان ايىنان باستاپ تاسىمالدانباق.
ايتا كەتەرلىگى، ءوڭىردىڭ جىلىتۋ ماۋسىمىنا دايىندىعىنا اپتا سايىن جانە تۇرعىنداردى كومىر وتىنىمەن قامتاماسىز ەتۋ بويىنشا كۇن سايىن تۇراقتى مونيتورينگ جۇرگىزىلۋدە.
تۇركىستان وبلىسى وڭىرلىك كوممۋنيكاسيالار قىزمەتى
