«Turkistan Invest» ينۆەستيسيالىق كومپانياسى باسپا ءسوز قىزمەتىنىڭ مالىمەتىنشە، جاڭا زاۋىتتىڭ قۇرىلىسى ورداباسى اۋدانىندا جۇرگىزىلمەك. ونى سالۋعا قازاقستاندىق «Standard Petroleum & Co LLP» كومپانياسى قاراجات جۇمسايدى.
بۇگىنگى كۇنى 250 گەكتار اۋماقتا ورنالاستىرۋ جۇمىستارى جۇرگىزىلىپ، قورشاۋلار قويىلىپ جاتىر. سونداي-اق، ەلەكتر جەلىلەرى تارتىلىپ، جول سالىنۋدا. «تۇركىستان» اكك» اق فيليالى – «Turkistan Invest» ينۆەستيسيالىق كومپانياسىنىڭ قولداۋىمەن جۇزەگە اسىرىلاتىن جوبا 2021 جىلى ىسكە قوسىلادى دەپ كۇتىلۋدە. دايىن ءونىم ەل اۋماعىندا ساتىلىپ، قوسىمشا تمد ەلدەرىنە ەكسپورتتالاتىن بولادى.
قازاقستاندا اتىراۋ مۇناي وڭدەۋ زاۋىتى، پاۆلودار جانە شىمكەنت مۇناي وڭدەۋ زاۋىتتارى بار. بۇگىنگى كۇنى وسى ءۇش زاۋىتتىڭ دا ءونىم ساپاسى تومەن. سەبەپ مۇناي وڭدەۋ قوندىرعىلارى توزعان، مۇناي ونىمدەرىن ءوندىرۋ تەرەڭدىگى 65-68 پايىزدان اسپايدى. سول ءۇشىن دە مۇناي ونىمدەرىنىڭ ساپاسى حالىقارالىق ستاندارتقا سايكەس ەمەس.
مەملەكەت باسشىسى بۇعان دەيىن ۇكىمەتكە تاعى ءبىر مۇناي وڭدەۋ زاۋىتىنىڭ قۇرىلىسى بويىنشا ماسەلەنى قاراستىرۋدى تاپسىرعان بولاتىن. ەلىمىز ءۇشىن اسا قاجەت مۇناي وڭدەۋ زاۋىتى تۇركىستان وبلىسىنىڭ اۋماعىندا، ياعني، ورداباسى اۋدانىندا سالىنباقشى. جاڭا زاۋىت بولاشاقتا تۇركىستان وبلىسىنىڭ ەكونوميكاسىنىڭ جاندانۋىنا سەرپىن بەرەتىنى ءسوزسىز.
Dalanews.kz
