Túrkistan oblysynda jańa munai óńdeý zaýyty salynady
«Turkistan Invest» investitsiialyq kompaniiasy baspasóz qyzmetiniń málimetinshe, jańa zaýyttyń qurylysy Ordabasy aýdanynda júrgizilmek. Ony salýǵa qazaqstandyq «Standard Petroleum & Co LLP» kompaniiasy qarajat jumsaidy.
Búgingi kúni 250 gektar aýmaqta ornalastyrý jumystary júrgizilip, qorshaýlar qoiylyp jatyr. Sondai-aq, elektr jelileri tartylyp, jol salynýda. «Túrkistan» ƏKK» AQ filialy – «Turkistan Invest» investitsiialyq kompaniiasynyń qoldaýymen júzege asyrylatyn joba 2021 jyly iske qosylady dep kútilýde. Daiyn ónim el aýmaǵynda satylyp, qosymsha TMD elderine eksporttalatyn bolady.
Qazaqstanda Atyraý munai óńdeý zaýyty, Pavlodar jáne Shymkent munai óńdeý zaýyttary bar. Búgingi kúni osy úsh zaýyttyń da ónim sapasy tómen. Sebep munai óńdeý qondyrǵylary tozǵan, munai ónimderin óndirý tereńdigi 65-68 paiyzdan aspaidy. Sol úshin de munai ónimderiniń sapasy halyqaralyq standartqa sáikes emes.
Memleket basshysy buǵan deiin Úkimetke taǵy bir munai óńdeý zaýytynyń qurylysy boiynsha máseleni qarastyrýdy tapsyrǵan bolatyn. Elimiz úshin asa qajet munai óńdeý zaýyty Túrkistan oblysynyń aýmaǵynda, iaǵni, Ordabasy aýdanynda salynbaqshy. Jańa zaýyt bolashaqta Túrkistan oblysynyń ekonomikasynyń jandanýyna serpin beretini sózsiz.
Dalanews.kz
