ونىڭ ايتۋىنشا، دەپارتامەنت وتكەن جىلى الەۋمەتتىك قورعاۋ سالاسى بويىنشا 158 783 مەملەكەتتىك قىزمەت كورسەتكەن. قولجەتىمدى ورتا قالىپتاستىرۋ بويىنشا 94 باقىلاۋ جۇرگىزىلىپ، ناتيجەسىندە 38 لاۋازىمدى تۇلعاعا اكىمشىلىك ايىپپۇل سالىنعان.
– ستاتيستيكالىق مالىمەتتەرگە سايكەس، 2022 جىلدىڭ 1 قاڭتارى بويىنشا وبلىستا مۇگەدەكتىگى بار ادامداردىڭ سانى 96 748ء-دى قۇرادى. بۇل وبلىس حالقى سانىنىڭ 4،7%-ى، ال رەسپۋبليكا بويىنشا جالپى مۇگەدەكتەر سانىنىڭ 13،8%-ن قۇرايدى. 2021 جىلى 6 139 ادامعا العاشقى رەت مۇگەدەكتىك راسىمدەلگەن. وتكەن جىلى وبلىس كولەمىندە وڭالتۋ تەحنيكالارىمەن جانە الەۋمەتتىك قىزمەتپەن 50 مىڭعا جۋىق ازامات قامتاماسىز ەتىلدى. بيىل دەپارتامەنت تاراپىنان ەرەكشە قاجەتتىلىكتەرى بار ادامدار ءۇشىن بەيىمدەلگەن 516 نىساندى قۇرىلىس نورمالارى ستاندارت تالاپتارىنا سايكەستىگىنە تەكسەرۋ-باقىلاۋ جۇمىستارىن جۇرگىزۋ كوزدەلگەن، – دەدى رۋسلان كارىباي ۇلى.
سونىمەن قاتار، بريفينگكە قاتىسقان دەپارتامەنتتىڭ مەديسينالىق-الەۋمەتتىك ساراپتاما ماسەلەلەرى جونىندەگى باسشى ورىنباسارى ەرنار ايداربەك ۇلىنىڭ ايتۋىنشا، وتكەن جىلى تولىق وڭالتۋدان وتكەن مۇگەدەكتەردىڭ سانى 1 190 ادامدى قۇراعان. جاڭا زاڭعا سايكەس، 7 جاستان 16 جاسقا دەيىنگى مۇگەدەك بالالارعا مۇگەدەكتىك توبىن تاعايىنداۋ نورماسى ەنگىزىلدى جانە الاتىن جاردەماقى مولشەرى دە وسكەن. ودان بولەك، بۇرىن مۇگەدەكتىگى بار بالالار اتا-اناسىنان ايىرىلعان جاعدايدا ءوز جاردەماقىسىن نەمەسە اسىراۋشىسىنان ايىرىلۋ جاعدايى بويىنشا جاردەماقىنىڭ بىرەۋىن عانا الىپ وتىراتىن. ال، ەنگىزىلگەن وزگەرىستەرگە سايكەس، ەكى جاردەماقى دا تولەنەدى.
وعان قوسا، دەپارتامەنت باسشىسىنىڭ الەۋمەتتىك ماسەلەلەرى جونىندەگى ورىنباسارىنىڭ مىندەتىن ۋاقىتشا اتقارۋشى جانات جاماحوۆا 2022 جىلدىڭ 1 قاڭتارىنان باستاپ ەڭ تومەنگى زەينەتاقى 46 302 تەڭگەنى قۇرايتىنىن ايتتى. ازاماتتاردىڭ زەينەتاقى مولشەرىن ەسەپتەۋدە ايلىق تابىسى بولماعان جاعدايدا ەر ازاماتتارعا 25 جىل، ايەلدەرگە 20 جىل ەڭبەك ءوتىلى بولعان جاعدايدا ەڭ تومەنگى زەينەتاقى مولشەرى تاعايىندالادى.
