ونىڭ ىشىندە 83 ۇمىتكەر – ساياسي پارتيالار، 127 ۇمىتكەر – ءوزىن-وزى ۇسىنعاندار. تىركەۋ جۇمىستارى اياقتالا سالا ۇمىتكەرلەردىڭ ۇگىت-ناسيحات جۇمىستارى باستالىپ كەتتى.
23 شىلدە كۇنى ناسيحات جۇمىستارى اياقتالىپ، 25 شىلدە اۋىل اكىمدەرىن سايلاۋدىڭ العاشقى كەزەڭى باستالادى. بۇل تۋرالى تۇركىستان وبلىستىق اۋماقتىق سايلاۋ كوميسسياسىنىڭ ءتوراعاسى الىبەك ومىرالييەۆ مالىمدەدى.
ونىڭ ايتۋىنشا، سايلاۋ كەزىندە 60 اۋىل وكرۋگتە 241 ۋچاسكەدە داۋىس بەرىلەتىن بولادى.
– بارلىق تىركەلگەن 210 ۇمىتكەردىڭ ىشىندە 10-ى (4،7%) ايەل ادام. ورتاشا جاس – 45 جاس، ەڭ جاس ۇمىتكەر – 27 جاستا. ۇسىنىلعانداردىڭ 31ء-ى — قىزمەتتەگى اكىم، 74ء-ى — مەملەكەتتىك قىزمەتتە، 19-ى — كوممەرسيالىق سالاداعى وكىلدەر، 70ء-ى — بيۋدجەتتىك سالاداعى قىزمەتكەرلەر، 1 ادام — جۇمىسسىز. ەڭ كوپ سايلاۋشىلار سانى كەلەس اۋدانى، اباي اۋىل وكرۋگىندە – 12 655 ادام. ەڭ از سايلاۋشىلار سارىاعاش اۋدانى، ءالىمتاۋ اۋىلدىق وكرۋگىندە – 805 ادام. ۇمىتكەرلەردىڭ ەڭ كوپ تىركەلگەن سايلاۋ وكرۋگى – سارىاعاش اۋدانىنداعى قۇركەلەس اۋىلدىق وكرۋگىندە، – دەدى الىبەك كادەن ۇلى.
