وبلىس اكىمى جانسەيىت تۇيمەبايەۆتىڭ قولداۋىمەن جۇزەگە اسقان بۇل جۇيە ءبىلىم سالاسىنداعى اشىقتىق پەن قولجەتىمدىلىككە باعىتتالعان. بۇگىن بۇل تۋرالى تۇركىستان وبلىسىنىڭ وڭىرلىك كوممۋنيكاسيالار قىزمەتىندە وتكەن بريفينگتە ءبىلىم باسقارماسى باسشىسىنىڭ ورىنباسارى ارداق سادىقوۆا مالىمدەدى.
ونىڭ ايتۋىنشا، وبلىستاعى 1371 مەكتەپكە دەيىنگى ءبىلىم بەرۋ ۇيىمدارىنا 140 034 بالا قامتىلعان.
«بۇگىنگى تاڭدا «مەكتەپكە دەيىنگى ءبىلىم بەرۋ ۇيىمدارىنا جولداما بەرۋ جانە كەزەككە قويۋدى اۆتوماتتاندىرۋ» جوباسىنا - 481 مەكەمە، ياعني 35 پايىزى قامتىلعان. Balabaqsha.sitcen.kz پورتالىنا قوسۋ ارقىلى 2018 جىلدىڭ سوڭىنا دەيىن بۇل كورسەتكىشتى 100 پايىزعا جەتكىزۋ جوسپارلانۋدا.
سونىمەن قاتار، مەكتەپكە وقۋشىلاردى ەلەكتروندى قابىلداۋ جۇيەسى بويىنشا اعىمداعى جىلدىڭ شىلدە ايىنان باستاپ وبلىستاعى 902 مەكتەپتىڭ بارلىعى mektep.sitcen.kz پورتالى ارقىلى ءبىلىم بەرۋ ۇيىمدارىنا قۇجاتتاردى قابىلداۋ سىندى قىزمەتتەر اۆتوماتتاندىرىلدى. اتالعان جۇيە تۇركىستان وبلىسىنىڭ بارلىق اۋداندارىنداعى مەكتەپتەرىندە قوسىلىپ، بۇگىنگى كۇنى جۇيە ارقىلى 54 751 وقۋشى ەلەكتروندى تۇردە 1ء-شى سىنىپقا قابىلداندى»، - دەدى ارداق ءمادىحان قىزى.
ايتا كەتەرلىگى، جۇيەنىڭ تيىمدىلىگى اتا-انا مەكتەپكە بارماي-اق ۇيىندە وتىرىپ قالاعان مەكتەبىنە 1ء-شى سىنىپقا قابىلداۋعا ءوتىنىش بەرىپ، ءوتىنىمنىڭ قابىلدانعانى تۋرالى حابارلاما الا الادى.
