Oblys ákimi Janseıit Túımebaevtyń qoldaýymen júzege asqan bul júıe bilim salasyndaǵy ashyqtyq pen qoljetimdilikke baǵyttalǵan. Búgin bul týraly Túrkistan oblysynyń óńirlik komýnıkasıalar qyzmetinde ótken brıfıńte bilim basqarmasy basshysynyń orynbasary Ardaq Sadyqova málimdedi.
Onyń aıtýynsha, oblystaǵy 1371 mektepke deıingi bilim berý uıymdaryna 140 034 bala qamtylǵan.
«Búgingi tańda «Mektepke deıingi bilim berý uıymdaryna joldama berý jáne kezekke qoıýdy avtomattandyrý» jobasyna - 481 mekeme, ıaǵnı 35 paıyzy qamtylǵan. Balabaqsha.sitcen.kz portalyna qosý arqyly 2018 jyldyń sońyna deıin bul kórsetkishti 100 paıyzǵa jetkizý josparlanýda.
Sonymen qatar, mektepke oqýshylardy elektrondy qabyldaý júıesi boıynsha aǵymdaǵy jyldyń shilde aıynan bastap oblystaǵy 902 mekteptiń barlyǵy mektep.sitcen.kz portaly arqyly bilim berý uıymdaryna qujattardy qabyldaý syndy qyzmetter avtomattandyryldy. Atalǵan júıe Túrkistan oblysynyń barlyq aýdandaryndaǵy mektepterinde qosylyp, búgingi kúni júıe arqyly 54 751 oqýshy elektrondy túrde 1-shi synypqa qabyldandy», - dedi Ardaq Mádihanqyzy.
Aıta keterligi, júıeniń tıimdiligi ata-ana mektepke barmaı-aq úıinde otyryp qalaǵan mektebine 1-shi synypqa qabyldaýǵa ótinish berip, ótinimniń qabyldanǵany týraly habarlama ala alady.
