Qazaqstanda tutynýshylyq nesie portfeliniń ósimi bir jylda 14,6%-dan 7,5%-ǵa deiin tómendedi, dep habarlaidy dalanews.kz.
Vedomstvo málimetinshe, ósimniń baiaýlaýyna kepilsiz tutynýshylyq nesie berýge qoiylǵan shekteýler áser etken. Sońǵy eki jylda qaryz alýshylardyń boryshtyq júktemesin esepteý talaptary kúsheitildi. Sondai-aq tólem merzimi 90 kúnnen asyp ketken jaǵdaida nesie berýge tyiym salyndy.
Budan bólek, tutynýshylyq nesie somasyna shekteý qoiylyp, jyldyq tiimdi syiaqy mólsherlemesiniń eń joǵary deńgeii tómendetildi. Sonymen qatar agenttik ókilderi banktermen, mikroqarjy uiymdarymen jáne kollektorlyq agenttiktermen kezdesip, qarjylyq alaiaqtyqqa qarsy kúres máselesin talqylady.
Qarjy naryǵyn retteý jáne damytý agenttiginiń deregine sáikes, alaiaqtyq jolmen rásimdelgen nesieler sany 2024 jyly 8,7 myń bolsa, 2026 jyly 1,9 myńǵa deiin azaiǵan.
