قازاقستاندا تۇتىنۋشىلىق نەسيە پورتفەلٸنٸڭ ٶسٸمٸ بٸر جىلدا 14,6%-دان 7,5%-عا دەيٸن تٶمەندەدٸ, دەپ حابارلايدى dalanews.kz.
ۆەدومستۆو مەلٸمەتٸنشە, ٶسٸمنٸڭ باياۋلاۋىنا كەپٸلسٸز تۇتىنۋشىلىق نەسيە بەرۋگە قويىلعان شەكتەۋلەر ەسەر ەتكەن. سوڭعى ەكٸ جىلدا قارىز الۋشىلاردىڭ بورىشتىق جٷكتەمەسٸن ەسەپتەۋ تالاپتارى كٷشەيتٸلدٸ. سونداي-اق تٶلەم مەرزٸمٸ 90 كٷننەن اسىپ كەتكەن جاعدايدا نەسيە بەرۋگە تىيىم سالىندى.
بۇدان بٶلەك, تۇتىنۋشىلىق نەسيە سوماسىنا شەكتەۋ قويىلىپ, جىلدىق تيٸمدٸ سىياقى مٶلشەرلەمەسٸنٸڭ ەڭ جوعارى دەڭگەيٸ تٶمەندەتٸلدٸ. سونىمەن قاتار اگەنتتٸك ٶكٸلدەرٸ بانكتەرمەن, ميكروقارجى ۇيىمدارىمەن جەنە كوللەكتورلىق اگەنتتٸكتەرمەن كەزدەسٸپ, قارجىلىق الاياقتىققا قارسى كٷرەس مەسەلەسٸن تالقىلادى.
قارجى نارىعىن رەتتەۋ جەنە دامىتۋ اگەنتتٸگٸنٸڭ دەرەگٸنە سەيكەس, الاياقتىق جولمەن رەسٸمدەلگەن نەسيەلەر سانى 2024 جىلى 8,7 مىڭ بولسا, 2026 جىلى 1,9 مىڭعا دەيٸن ازايعان.
