پرەزيدەنت تمد مەملەكەتتەرٸ باسشىلارى كەڭەسٸنٸڭ وتىرىسىندا سٶز سٶيلەدٸ. كەڭەس بارىسىندا قاسىم-جومارت توقاەۆ ورىس تٸلٸ تۋرالى دا پٸكٸر بٸلدٸردٸ, دەپ حابارلايدى dalanews.kz.
مەملەكەت باسشىسى مەدەني-گۋمانيتارلىق بايلانىستاردى كٷشەيتۋدٸڭ ماڭىزىنا توقتالعان.
"ەلدەرٸمٸز اراسىنداعى قارىم-قاتىناستا ورىس تٸلٸنٸڭ اتقاراتىن رٶلٸن اتاپ ٶتكەن ماڭىزدى. ورىس تٸلٸ ٶزارا تٷسٸنٸسۋگە, بٸلٸم بەرۋ, عىلىم سالالارىنداعى سەرٸكتەستٸك پەن ادامدار اراسىنداعى بايلانىس كەڭەيۋٸنە ىقپال ەتٸپ كەلەدٸ. بۇل - ايدان انىق دٷنيە. سوندىقتان قادٸرلٸ ەرٸپتەستەرٸمدٸ حالىقارالىق ورىس تٸلٸ ۇيىمىنىڭ قىزمەتٸن قولداۋعا شاقىرامىن. دٷنيە جٷزٸندە ورىس تٸلٸن ەرتٷرلٸ دەڭگەيدە مەڭگەرگەن 300 ميلليونعا جۋىق حالىق بار. سوندىقتان بۇل ۇيىمنىڭ كەلەشەگٸ جارقىن. مەن بۇعان سەنٸمدٸمٸن. سونىمەن قاتار, تمد ەلدەرٸنٸڭ تٸلدەرٸ مەن مەدەني ەرالۋاندىعىن كٶزدٸڭ قاراشىعىنداي ساقتاپ, بٷكٸل حالىقتىڭ تاريحىنا, دەستٷرٸ مەن مەدەنيەتٸنە قۇرمەتپەن قاراۋ اسا ماڭىزدى", – دەدٸ قاسىم-جومارت توقاەۆ.
