قازاقستان حالىقارالىق كٶلٸك باعىتتارىن بٸر-بٸرٸنە قارسى قويماي, بارلىعىن قاتار دامىتۋعا مٷددەلٸ. پرەزيدەنت قاسىم-جومارت توقاەۆ اشحابادتاعى ورتالىق ازييا مەملەكەتتەرٸ باسشىلارىنىڭ كەزدەسۋٸندە ورتا دەلٸز بەن TRIPP جوباسىن بايلانىستىرۋدى ۇسىنىپ, رەسەيمەن «سولتٷستٸك – وڭتٷستٸك» باعىتىنىڭ دا ماڭىزىن اتاپ ٶتتٸ. بۇل تۋرالى ساياسي شولۋشى عازيز ەبٸشەۆ ٶز ارناسىندا جازدى, دەپ حابارلايدى dalanews.kz.
توقاەۆتىڭ سٶزٸنشە, قازاقستان ٷشٸن رەسەيمەن ىنتىماقتاستىق اياسىنداعى «سولتٷستٸك – وڭتٷستٸك» كٶلٸك دەلٸزٸ ٶزەكتٸ بولىپ قالا بەرەدٸ. بۇل باعىت قازاقستاننىڭ يرانعا جەنە ودان ەرٸ باسقا نارىقتارعا شىعۋىنا مٷمكٸندٸك بەرەتٸن حالىقارالىق لوگيستيكالىق جەلٸنٸڭ بٸر بٶلٸگٸ سانالادى.
سونىمەن بٸرگە قازاقستان ورتا دەلٸزدٸ دامىتۋعا دا باسىمدىق بەرٸپ وتىر. توقاەۆ ەزەربايجاننان ارمەنييا اۋماعى ارقىلى تٷركيياعا قاراي باعىتتالاتىن TRIPP جوباسىن ورتا دەلٸزبەن بايلانىستىرۋ مٷمكٸندٸگٸن ۇسىندى.
عازيز ەبٸشەۆ بۇل مەلٸمدەمەنٸ قازاقستاننىڭ كٶپۆەكتورلى سىرتقى ساياساتىنىڭ كٶرٸنٸسٸ رەتٸندە باعالايدى. ونىڭ پايىمىنشا, قازٸرگٸ گەوساياسي جاعدايعا بايلانىستى كەيبٸر باعىتتارعا كٶبٸرەك نازار اۋدارىلعانىمەن, ۇزاق مەرزٸمدٸ پەرسپەكتيۆادا باسقا كٶلٸك دەلٸزدەرٸنٸڭ دە ەكونوميكالىق ماڭىزى ساقتالادى.
اۆتور قازاقستاننىڭ رەسەيمەن ۇزاق شەكاراسى مەن قالىپتاسقان ەكونوميكالىق بايلانىستارىن دا ەسكە سالادى. ونىڭ پٸكٸرٸنشە, كٶرشٸ ەلمەن تاتۋ كٶرشٸلٸك ساياساتىن ساقتاۋ باسقا باعىتتاردى دامىتۋعا كەدەرگٸ بولماۋى كەرەك. قازاقستان بۇعان دەيٸن ارالدى قۇتقارۋ جٶنٸندەگٸ حالىقارالىق ۇيىمعا رەسەيدٸ شاقىرۋدى ۇسىنعانىمەن, بۇل باستاما ورتالىق ازييانىڭ ٶزگە ەلدەرٸ تاراپىنان قولداۋ تاپپاعان.
قازاقستاننىڭ نەگٸزگٸ ماقساتى – ەۋروپا مەن ازييا اراسىنداعى ترانزيتتٸك مٷمكٸندٸكتەردٸ كەڭەيتۋ. بۇل رەتتە «باتىس ەۋروپا – باتىس قىتاي» باعىتى, ورتا دەلٸز, TRIPP, «سولتٷستٸك – وڭتٷستٸك» دەلٸزٸ, سونداي-اق اۋعانستان مەن پەكٸستان ارقىلى ٷندٸستانعا شىعۋ باعىتتارى قاراستىرىلادى.
عازيز ەبٸشەۆتٸڭ پٸكٸرٸنشە, قازاقستان ٷشٸن كٶلٸك دەلٸزدەرٸنٸڭ كٶبەيۋٸ لوگيستيكالىق مٷمكٸندٸكتەردٸ كەڭەيتٸپ, حالىقارالىق ساۋدادان تٷسەتٸن كٸرٸستٸ ارتتىرۋعا جول اشادى. سوندىقتان ەلدٸڭ ۇستانىمى – بٸر باعىتتى تاڭداپ, قالعانىنان باس تارتۋ ەمەس, قولجەتٸمدٸ مارشرۋتتاردىڭ بارلىعىن دامىتۋ.
