اۋىل شارۋاشىلىعىنىڭ جالپى ءونىم كولەمى 118،4 ملرد. تەڭگەنى، نەمەسە 2022 جىلدىڭ سايكەس كەزەڭىمەن سالىستىرعاندا 101،1%-دى قۇراعان. وبلىس ەكونوميكاسىنا 97،2 ملرد. تەڭگە ينۆەستيسيا باعىتتالىپ، 1،6 ەسە ارتىپ وتىر. اپپاراتتىڭ اپتالىق وتىرىسىندا تۇركىستان وبلىسىنىڭ اكىمى ينديكاتورلاردى ساپالى ورىنداپ، ىشكى جالپى ءونىم مەن كىرىستەر كولەمىن ارتتىرۋ باعىتىنداعى جۇمىستى كۇشەيتۋدى تاپسىردى.
– مەملەكەت باسشىسى قاسىم-جومارت توقايەۆ ەلىمىزدىڭ الەۋمەتتىك-ەكونوميكالىق دامۋ ماسەلەلەرى جونىندەگى كەڭەيتىلگەن كەڭەستە جالپى ىشكى ءونىمنىڭ ءوسىمىن جىل سايىن 6 پايىزدىق دەڭگەيدە قامتاماسىز ەتۋدى تاپسىردى.
تيىسىنشە ينفلياسيانى وسى جىلدىڭ قورىتىندىسىمەن 2 ەسە تومەندەتۋ قاجەت. بۇل ءۇشىن ءوسۋدىڭ قوسىمشا كوزدەرىن تابۋىمىز كەرەك.
اتاپ ايتقاندا، وندەۋ ونەركاسىبىندە، اگروونەركاسىپتىك كەشەندە، قۇرىلىس پەن قىزمەت كورسەتۋ سەكتورىندا رەزەرۆتەرىمىز بار. وسى باعىتتاردا الەۋەتىمىزدى تولىق پايدالانۋ ءۇشىن ناقتى شارالار قابىلدانسىن.
الەۋمەتتىك-ەكونوميكالىق دامۋى بويىنشا وبلىستا ءى توقساندا وڭ وسىمدەرگە قول جەتكىزىلدى. ءبىراق جەكەلەگەن اۋدان، قالالاردا ءبىرقاتار بەكىتىلگەن ينديكاتورلاردىڭ ورىندالۋى تومەن دەڭگەيدە. الەۋمەتتىك-ەكونوميكالىق دامۋدىڭ نەگىزگى ينديكاتورلارىنىڭ ورىندالۋىن قامتاماسىز ەتپەگەن باسقارما باسشىلارىنىڭ جاۋاپتى ورىنباسارلارى مەن اۋدان، قالا اكىمدەرى ورىنباسارلارىنىڭ جاۋاپكەرشىلىگى قارالادى.
وبلىستىق باسقارما باسشىلارى جانە اۋدان، قالا اكىمدەرى، بەلگىلەنگەن كورسەتكىشتەردىڭ ۋاقىتىلى ءارى ساپالى ورىندالۋىن قامتاماسىز ەتسىن. وبلىستىق بيۋدجەتتەن بولىنگەن قارجىلار بويىنشا مەملەكەتتىك ساتىپ الۋ كونكۋرستارى ءوز مەرزىمدەرىندە جۇرگىزىلۋى شارت، – دەدى دارحان ساتىبالدى.
ءوڭىر باسشىسى اباتتاندىرۋ، سانيتارلىق تازالىق جۇمىستارىن جانداندىرۋدى، «اۋىل اماناتى» باعدارلاماسىن ساپالى اتقارۋ جانە تۇرعىن ۇي-كوممۋنالدىق شارۋاشىلىق، ءبىلىم سالاسىن كوتەرۋ، اۋىل شارۋاشىلىعىن دامىتۋ ماسەلەلەرى بويىنشا دا جاۋاپتىلارعا تاپسىرمالار بەردى.
وڭىردە ءبىرىنشى توقساندا قۇرىلىس جۇمىستارىنىڭ كولەمى 31،5 ملرد. تەڭگەنى نەمەسە وتكەن جىلدىڭ سايكەس كەزەڭىمەن سالىستىرعاندا 117،9% قۇرادى. پايدالانۋعا تاپسىرىلعان تۇرعىن ۇيلەر الاڭى 5،5%-عا ارتىپ، 120،2 مىڭ شارشى مەترگە جەتكەن.
اۋدان، قالالاردىڭ الەۋمەتتىك-ەكونوميكالىق دامۋ قارقىنىنا تالداۋ جۇرگىزۋ ماقساتىندا 15 ينديكاتور بويىنشا رەيتينگتىك باعالاۋ جۇيەسى ەنگىزىلىپ، مەموراندۋم ءتۇزىلدى.
ءى-توقسان قورىتىندىسىمەن 14 ينديكاتور بويىنشا باعالاۋ جۇرگىزىلدى، 1 ينديكاتور توقساندىق ستاتيستيكالىق دەرەكتەردىڭ شىقپاۋىنا بايلانىستى ەسەپكە الىنبادى. جالپى، 14 ينديكاتوردىڭ 10-ى بويىنشا جوسپارلانعان مەجەگە قول جەتكىزىلگەن. اۋدان، قالا اكىمدىكتەرىنىڭ رەيتينگى ازىرلەنىپ، ءتيىستى باقىلاۋعا الىندى.
وبلىستا 2023 جىلدىڭ 1 ساۋىرىندەگى جاعداي بويىنشا جەرگىلىكتى بيۋدجەتكە 37،7 ملرد تەڭگە كىرىس ءتۇسىپ، جوسپار 120،9%-عا نەمەسە 6،5 ملرد. تەڭگەگە اسىرا ورىندالدى. وتكەن جىلدىڭ ۇقساس كەزەڭىمەن سالىستىرعاندا ءتۇسىم 5،0 ملرد تەڭگەگە ارتقان نەمەسە ءوسۋ قارقىنى 15،3%-دى قۇراپ وتىر.
