Aýyl sharýashylyǵynyń jalpy ónim kólemi 118,4 mlrd. teńgeni, nemese 2022 jyldyń sáikes kezeńimen salystyrǵanda 101,1%-dy quraǵan. Oblys ekonomikasyna 97,2 mlrd. teńge investitsiia baǵyttalyp, 1,6 ese artyp otyr. Apparattyń aptalyq otyrysynda Túrkistan oblysynyń ákimi indikatorlardy sapaly oryndap, ishki jalpy ónim men kirister kólemin arttyrý baǵytyndaǵy jumysty kúsheitýdi tapsyrdy.
– Memleket basshysy Qasym-Jomart Toqaev elimizdiń áleýmettik-ekonomikalyq damý máseleleri jónindegi keńeitilgen keńeste jalpy ishki ónimniń ósimin jyl saiyn 6 paiyzdyq deńgeide qamtamasyz etýdi tapsyrdy.
Tiisinshe infliatsiiany osy jyldyń qorytyndysymen 2 ese tómendetý qajet. Bul úshin ósýdiń qosymsha kózderin tabýymyz kerek.
Atap aitqanda, óndeý ónerkásibinde, agroónerkásiptik keshende, qurylys pen qyzmet kórsetý sektorynda rezervterimiz bar. Osy baǵyttarda áleýetimizdi tolyq paidalaný úshin naqty sharalar qabyldansyn.
Áleýmettik-ekonomikalyq damýy boiynsha oblysta I toqsanda oń ósimderge qol jetkizildi. Biraq jekelegen aýdan, qalalarda birqatar bekitilgen indikatorlardyń oryndalýy tómen deńgeide. Áleýmettik-ekonomikalyq damýdyń negizgi indikatorlarynyń oryndalýyn qamtamasyz etpegen basqarma basshylarynyń jaýapty orynbasarlary men aýdan, qala ákimderi orynbasarlarynyń jaýapkershiligi qaralady.
Óńir basshysy abattandyrý, sanitarlyq tazalyq jumystaryn jandandyrýdy, «Aýyl amanaty» baǵdarlamasyn sapaly atqarý jáne turǵyn úi-kommýnaldyq sharýashylyq, bilim salasyn kóterý, aýyl sharýashylyǵyn damytý máseleleri boiynsha da jaýaptylarǵa tapsyrmalar berdi.
Óńirde birinshi toqsanda qurylys jumystarynyń kólemi 31,5 mlrd. teńgeni nemese ótken jyldyń sáikes kezeńimen salystyrǵanda 117,9% qurady. Paidalanýǵa tapsyrylǵan turǵyn úiler alańy 5,5%-ǵa artyp, 120,2 myń sharshy metrge jetken.
Aýdan, qalalardyń áleýmettik-ekonomikalyq damý qarqynyna taldaý júrgizý maqsatynda 15 indikator boiynsha reitingtik baǵalaý júiesi engizilip, memorandým túzildi.
I-toqsan qorytyndysymen 14 indikator boiynsha baǵalaý júrgizildi, 1 indikator toqsandyq statistikalyq derekterdiń shyqpaýyna bailanysty esepke alynbady. Jalpy, 14 indikatordyń 10-y boiynsha josparlanǵan mejege qol jetkizilgen. Aýdan, qala ákimdikteriniń reitingi ázirlenip, tiisti baqylaýǵa alyndy.
Oblysta 2023 jyldyń 1 sáýirindegi jaǵdai boiynsha jergilikti biýdjetke 37,7 mlrd teńge kiris túsip, jospar 120,9%-ǵa nemese 6,5 mlrd. teńgege asyra oryndaldy. Ótken jyldyń uqsas kezeńimen salystyrǵanda túsim 5,0 mlrd teńgege artqan nemese ósý qarqyny 15,3%-dy qurap otyr.
