«Qazaqmys korporatsiiasy» JShS Basqarma tóraǵasy Rýslan Óskenáli Tótenshe jaǵdailar ministri Murat Muhanovpen jáne Ulytaý oblysynyń ákimi Eset Baikenmen birge «Jomart» kenishine bardy, dep habarlaidy Dalanews.kz.
Sapar barysynda taraptar ónerkásiptik qaýipsizdiktiń deńgeiin jáne óndiristik infraqurylymdy jańǵyrtý barysyn tekserdi. Rýslan Óskenáli aýa sapasyn baqylaýdy kúsheitý, jeldetý júieleriniń senimdiligin arttyrý, taý-ken massivine monitoring júrgizý jáne jerasty tehnikasyn zamanaýi qorǵanys keshenderimen jaraqtandyrý baǵytyndaǵy jobalardy tanystyrdy. Delegatsiia óndiristik ýchaskelerdi aralap, jabdyqtar men baqylaý júieleriniń jumysymen tanysty.
Basty basymdyq aýany úzdiksiz baqylaýǵa berilgen. Statsionarlyq gaz taldaǵyshtar derekterdi biryńǵai dispetcherlik ortalyqqa onlain rejimde jiberedi, al kenshiler qosymsha 130 tasymaly aspapty qoldanady. Ózdiginen júretin 62 jerasty tehnikasyna metan deńgeii asyp ketkende jabdyqty avtomatty túrde óshiretin metan-rele júiesi ornatylǵan.
Sonymen qatar jeldetý júiesi de jańartylýda. Negizgi qondyrǵylardy jóndeý jáne 600 metrlik jańa uńǵymany burǵylaý arqyly taza aýa berý kólemi sekýndyna 200 tekshe metrge artty.
Qyrkúiekte kásiporyn Korfmann markaly úsh qondyrǵy men VME seriialy alty jeldetkish satyp aldy, al 2026 jyldyń sońyna deiin taǵy úsh jeldetkish iske qosylady. Bul baǵytqa salynǵan investitsiia 306,9 million teńgeni qurady. Qazbalardy oqshaýlap jeldetý úshin úshinshi jeldetý opanshasynyń qurylysy da jalǵasýda.
Qaýipsizdikke tsifrlyq tehnologiialar da belsendi engizilýde: qyzmetkerlerdi ornalasqan jerin anyqtaý jáne apattyq habarlaý úshin 58 shaqyrym kabel tóseldi. 2026 jyldyń shildesinen bastap jerasty taý jynystaryn baqylaityn biryńǵai tsifrlyq geomehanikalyq júie jumys isteidi. Barlyq injenerlik sheshimder beiindi ǵylymi uiymdardyń zertteýlerine súienedi.
«Jomart» kenishindegi qaýipsizdikti arttyrýdyń keshendi baǵdarlamasy 45 is-sharany qamtidy, onyń 40-y oryndaldy. Jobany qarjylandyrýdyń jalpy kólemi 2,7 milliard teńgeni quraidy, al qalǵan jumystar aiaqtalýǵa jaqyn.
