Astanada, Aqtóbede jáne Taldyqorǵanda júrgizýshi kýáligin alý úshin praktikalyq emtihan tapsyryp jatqan kandidattar bir kúnde úsh jol-kólik oqiǵasyna sebep boldy, dep habarlaidy dalanews.kz.
«Azamattarǵa arnalǵan úkimet» memlekettik korporatsiiasynyń málimetinshe, úsh jaǵdaida da emtihan tapsyrýshylar kólikti basqara almai qalǵan. Abyroi bolǵanda, zardap shekkender joq.
Emtihan kezinde kandidattar pedalderdi shatastyryp, jol belgilerin qaǵyp, qorshaýlarǵa jáne basqa kólikterge soǵylǵan.
«Bir kúnde úsh jol apaty. Jyl basynan beri osyndai júz jaǵdai tirkeldi. Olardyń barlyǵy elimizdegi avtodromdarda praktikalyq emtihan tapsyrý kezinde bolǵan», – dep habarlady memlekettik korporatsiia.
Qazaqstanda júrgizýshi kýáligin alý úshin aldymen teoriialyq, keiin praktikalyq emtihan tapsyrý qajet. Praktikalyq synaq barysynda kólikti basqarý, manevr jasaý, araqashyqtyq pen gabaritti baǵalaý, belgilengen jerge toqtaý jáne basqa da júrgizý daǵdylary tekseriledi.
