«TURKISTAN MEDIA» حالىقارالىق ورتالىعىندا ورنالاسقان «TURKISTAN» ينتەللەكتۋالدى كلۋبىندا جۋرناليستەرمەن كەزدەسكەن بەلگىلى ساياساتتانۋشى جاڭا وبلىس ورتالىعىنىڭ دامۋى مەن بولاشاعى تۋرالى ءسوز قوزعادى.
ونىڭ پىكىرىنشە، اۋىل شارۋاشىلىعىنا بەيىم وڭىردە اگرارلى سالاعا قاجەتتى ماماندار دايارلاۋ ءىسىن دە قولعا الاتىن كەز كەلدى.
ايتا كەتسەك، تۇركىستان وبلىسىندا اۋىل شارۋاشىلىعىن دا دامىتۋ قاجەتتىگىن پرەزيدەنت تە ايتىپ وتكەن. اسىرەسە، وسى سالاداعى ونىمدەردى وڭدەۋگە باسا نازار اۋدارعان ءجون. ال ەڭ باستىسى، كورشى ەلدەرگە ەكسپورت جاساۋ كەرەك. وسى ورايدا كولىك-لوگيستيكا جاعىن دامىتقان ماڭىزدى. «ماسەلەن، ءبىز تاشكەنتكە بارىپ، ءوز تاۋارىمىزدى ساتاتىنداي دەڭگەيگە جەتۋىمىز كەرەك. ارينە، باسەكەنىڭ بولعانى دۇرىس. دەگەنمەن، ءبىز ءوز مۇددەمىزدى ويلاۋىمىز قاجەت، - دەگەن ەدى ەلباسى.
سونداي-اق، ايدوس سارىم ويىنان شىعاتىن جوبالار ۇسىنىلسا، تۇركىستاندا جۇمىس ىستەۋگە ءازىر ەكەنىن جاسىرعان جوق.
ايدوس سارىم، ساياساتتانۋشى: «ديحانشىلىققا قاجەتتى، ماقتا كلاستەرىن دامىتاتىن مامانداردى وسىندا دايىنداساق. شەتەلدەردەن عالىمدار شاقىرتىپ، وسىندا جاستاردى تاربيەلەۋگە اتسالىسسا. جاستارىمىزدى قانشا اقشا سالىپ، شەتەلدەرگە جىبەرگەنشە، ونداعى بىلىكتى مامانداردى وسىندا شاقىرتقانىمىز ءتيىمدى بولار ەدى».
