«TURKISTAN MEDIA» Halyqaralyq ortalyǵynda ornalasqan «TURKISTAN» intellektýaldy klýbynda jýrnalistermen kezdesken belgili saiasattanýshy jańa oblys ortalyǵynyń damýy men bolashaǵy týraly sóz qozǵady.
Onyń pikirinshe, aýyl sharýashylyǵyna beiim óńirde agrarly salaǵa qajetti mamandar daiarlaý isin de qolǵa alatyn kez keldi.
Aita ketsek, Túrkistan oblysynda aýyl sharýashylyǵyn da damytý qajettigin Prezident te aityp ótken. Ásirese, osy saladaǵy ónimderdi óńdeýge basa nazar aýdarǵan jón. Al eń bastysy, kórshi elderge eksport jasaý kerek. Osy oraida kólik-logistika jaǵyn damytqan mańyzdy. «Máselen, biz Tashkentke baryp, óz taýarymyzdy satatyndai deńgeige jetýimiz kerek. Árine, básekeniń bolǵany durys. Degenmen, biz óz múddemizdi oilaýymyz qajet, - degen edi Elbasy.
Sondai-aq, Aidos Sarym oiynan shyǵatyn jobalar usynylsa, Túrkistanda jumys isteýge ázir ekenin jasyrǵan joq.
Aidos Sarym, saiasattanýshy: «Dihanshylyqqa qajetti, maqta klasterin damytatyn mamandardy osynda daiyndasaq. Shetelderden ǵalymdar shaqyrtyp, osynda jastardy tárbieleýge atsalyssa. Jastarymyzdy qansha aqsha salyp, shetelderge jibergenshe, ondaǵy bilikti mamandardy osynda shaqyrtqanymyz tiimdi bolar edi».
