«تۇركىستان» اكك» اق – دا (بۇدان ءارى – قوعام) قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتى وكىلدەرىنىڭ جانە قوعام قىزمەتكەرلەرىنىڭ قاتىسۋىمەن كەڭەس وتىرىسى ءوتتى. كەزدەسۋدە ءوڭىردىڭ ينۆەستيسيالىق مۇمكىندىكتەرى، دامۋ الەۋەتى جانە جۇزەگە اسىرىلىپ جاتقان جوبالار تالقىلاندى.

باسقارما ءتوراعاسى ايگۇل احمەدجانوۆا ءوز سوزىندە اگەنتتىك باسشىلىعىنا قوعامنىڭ ينۆەستيسيالىق جانە الەۋمەتتىك جوبالاردى ىسكە اسىرۋ شەڭبەرىندە اشىقتىق دەڭگەيىن ارتتىرۋ جونىندەگى جۇمىسقا جاردەمدەسۋ باستاماسىن قولداعانى جانە جەدەل ىسكە اسىرعانى ءۇشىن العىسىن ءبىلدىردى.

– جەمقورلىق – قازاقستاننىڭ عانا ەمەس، قازىرگى زاماننىڭ ۇلكەن پروبلەمالارىنىڭ ءبىرى. مەملەكەت باسشىسىنىڭ 2019 جىلعى 13 ماۋسىمداعى شەشىمىمەن سىبايلاس جەمقورلىققا قارسى ءىس-قيمىل اگەنتتىگى قايتا قۇرىلىپ، باسىم باعىتتار ايقىندالدى. بۇگىن ءبىز قوعام باسشىلىعى باستاماشىلىق جاساعان ىنتىماقتاستىق تۋرالى مەموراندۋمعا قول قويۋعا قۋانىشتىمىز، بۇل كومپانيانىڭ جۇمىستا جاۋاپكەرشىلىگى مەن اشىقتىعىن كورسەتەدى، – دەپ اتاپ ءوتتى اگەنتتىك دەپارتامەنتى باسشىسىنىڭ ورىنباسارى اسان ۇلى عانيجان.

ايتا كەتۋ كەرەك، قول قويىلعان مەموراندۋم نەگىزىندە تاراپتار اگەنتتىك جۇزەگە اسىرىپ جاتقان «Protecting business and investments» جوباسى اياسىندا ىنتىماقتاستىق تۋرالى كەلىسىمگە كەلدى. سونداي-اق، قوعام قىزمەتكەرلەرىن وقىتۋ، بيزنەس جوبالاردى كونسۋلتاسيالىق سۇيەمەلدەۋ جوسپارلانۋدا.

سونىمەن قاتار، كەزدەسۋدە سىبايلاس جەمقورلىققا قارسى قىزمەتتىڭ بەينەروليكتەرى كورسەتىلىپ، قوعام قىزمەتكەرلەرىمەن پروفيلاكتيكالىق جۇمىستار جۇرگىزىلدى. كەڭەس قورىتىندىسى بويىنشا تاراپتاردىڭ ودان ءارى ىنتىماقتاستىعى مەن تىعىز جۇمىس جاساۋى كۇتىلۋدە.

«تۇركىستان» اكك «اق» باسپا ءسوز قىزمەتى