«Túrkistan» ÁKK» jemqorlyqqa qarsy
Basqarma tóraǵasy Aigúl Ahmedjanova óz sózinde Agenttik basshylyǵyna Qoǵamnyń investitsiialyq jáne áleýmettik jobalardy iske asyrý sheńberinde ashyqtyq deńgeiin arttyrý jónindegi jumysqa járdemdesý bastamasyn qoldaǵany jáne jedel iske asyrǵany úshin alǵysyn bildirdi.
– Jemqorlyq – Qazaqstannyń ǵana emes, qazirgi zamannyń úlken problemalarynyń biri. Memleket basshysynyń 2019 jylǵy 13 maýsymdaǵy sheshimimen sybailas jemqorlyqqa qarsy is-qimyl agenttigi qaita qurylyp, basym baǵyttar aiqyndaldy. Búgin biz qoǵam basshylyǵy bastamashylyq jasaǵan yntymaqtastyq týraly Memorandýmǵa qol qoiýǵa qýanyshtymyz, bul kompaniianyń jumysta jaýapkershiligi men ashyqtyǵyn kórsetedi, – dep atap ótti agenttik departamenti basshysynyń orynbasary Asanuly Ǵanijan.
Aita ketý kerek, qol qoiylǵan memorandým negizinde taraptar Agenttik júzege asyryp jatqan «Protecting business and investments» jobasy aiasynda yntymaqtastyq týraly kelisimge keldi. Sondai-aq, qoǵam qyzmetkerlerin oqytý, biznes jobalardy konsýltatsiialyq súiemeldeý josparlanýda.
Sonymen qatar, kezdesýde sybailas jemqorlyqqa qarsy qyzmettiń beinerolikteri kórsetilip, qoǵam qyzmetkerlerimen profilaktikalyq jumystar júrgizildi. Keńes qorytyndysy boiynsha taraptardyń odan ári yntymaqtastyǵy men tyǵyz jumys jasaýy kútilýde.
«Túrkistan» ÁKK «AQ» baspasóz qyzmeti
