تۇرعىنداردىڭ ءبىرى بازار ماڭىنداعى اۋلالاردا كولىكتەردىڭ جينالىپ قالعانىن، سول سەبەپتى ازاماتتاردىڭ كولىك قوياتىن جەر تۇرماق، جاياۋ جۇرۋىنە دە ورىن جەتپەي جاتقانىن ايتىپ شاعىمدانعان. قالا تۇرعىنى نىساندى قالا سىرتىنا شىعارۋدى ءوتىندى.
ءوز جاۋابىندا مەگاپوليس اكىمى ماسەلەنىڭ وزەكتى ەكەنىن اتاپ وتكەن. اكىمنىڭ سوزىنشە، الماتىداعى 56 بازار قالا سىرتىندا ورنالاسۋى كەرەك.
"ءبىز بۇل ماسەلەمەن اينالىسىپ جاتىرمىز، ءبىراق ونى شەشۋ وڭاي ەمەس، ءبىرىنشى كەزەكتە مەنشىك قۇقىعىنا بايلانىستى. جەرگە مەنشىك قۇقىعى اكتىلەرى جاسالىپ، الدەقاشان بەرىلىپ قويعان. وبەكتىنى جىلجىتۋ ءۇشىن دايىن ورىن بولۋى كەرەك جانە ونىڭ ورنىنا يەسىنە بىردەڭە ۇسىنۋ كەرەك. دەگەنمەن، بۇل ەشتەڭە ىستەۋ مۇمكىن ەمەس دەگەندى بىلدىرمەيدى"، – دەدى دوسايەۆ.
ول جالعا الىنعان جەر تەلىمدەرىنىڭ كوبىنە باسقا ماقساتتا پايدالانىلاتىنىن ايتىپ، ەلەكتر جەلىسىنىڭ استىنداعى كولىك جوندەۋ ورىندارىن مىسالعا كەلتىردى. مۇنداي نىسانداردى الىپ تاستاۋعا دا جويۋعا دا بولادى، دەپ اتاپ ءوتتى قالا باسشىسى.
"قىزمەت ءتۇرى بويىنشا الدىمەن نەنىڭ زاڭدى، نەنىڭ زاڭسىز، نەنىڭ مۇمكىن، نەنىڭ مۇمكىن ەمەس ەكەنىن انىقتاپ الۋ كەرەك. كىشى نارسەدەن باستاپ ءتارتىپ ورناتايىق. اۋدان اكىمىنە پروكۋراتۋرامەن بىرلەسىپ، وسى ىسكە كىرىسۋدى تاپسىرامىن"، – دەپ تۇيىندەدى ەربولات دوسايەۆ.
