Turǵyndar Car City kólik bazaryn qala syrtyna shyǵarýdy ótinýde - Almaty ákimdigi
Turǵyndardyń biri bazar mańyndaǵy aýlalarda kólikterdiń jinalyp qalǵanyn, sol sebepti azamattardyń kólik qoiatyn jer turmaq, jaiaý júrýine de oryn jetpei jatqanyn aityp shaǵymdanǵan. Qala turǵyny nysandy qala syrtyna shyǵarýdy ótindi.
Óz jaýabynda megapolis ákimi máseleniń ózekti ekenin atap ótken. Ákimniń sózinshe, Almatydaǵy 56 bazar qala syrtynda ornalasýy kerek.
"Biz bul máselemen ainalysyp jatyrmyz, biraq ony sheshý ońai emes, birinshi kezekte menshik quqyǵyna bailanysty. Jerge menshik quqyǵy aktileri jasalyp, áldeqashan berilip qoiǵan. Obektini jyljytý úshin daiyn oryn bolýy kerek jáne onyń ornyna iesine birdeńe usyný kerek. Degenmen, bul eshteńe isteý múmkin emes degendi bildirmeidi", – dedi Dosaev.
Ol jalǵa alynǵan jer telimderiniń kóbine basqa maqsatta paidalanylatynyn aityp, elektr jelisiniń astyndaǵy kólik jóndeý oryndaryn mysalǵa keltirdi. Mundai nysandardy alyp tastaýǵa da joiýǵa da bolady, dep atap ótti qala basshysy.
"Qyzmet túri boiynsha aldymen neniń zańdy, neniń zańsyz, neniń múmkin, neniń múmkin emes ekenin anyqtap alý kerek. Kishi nárseden bastap tártip ornataiyq. Aýdan ákimine prokýratýramen birlesip, osy iske kirisýdi tapsyramyn", – dep túiindedi Erbolat Dosaev.
