بيىل شقو-دا ەلەۋمەتتٸك نىساندارمەن بٸرگە تۇرعىن ٷي قۇرىلىسى قارقىن الماق. قۇرىلىس, سەۋلەت جەنە قالا قۇرىلىسى باسقارماسىنىڭ اقپاراتى بويىنشا, بيىل ايماقتا 190 ملرد تەڭگەگە 694 مىڭ شارشى مەتر تۇرعىن ٷي نەمەسە 6 361 پەتەر سالۋ جوسپارلانعان. سالىنىپ جاتقان تۇرعىن ٷيلەردەن وتباسى بانكتٸڭ «وتاۋ» باعدارلاماسى ارقىلى جەڭٸلدٸكپەن پەتەر الۋعا بولادى, دەپ حابارلايدى Dalanews.kz.
تاياۋدا ٶتكەن ۇلتتىق قۇرىلتايدا پرەزيدەنتٸمٸز قاسىم-جومارت توقاەۆ ەلٸمٸزدە قۇرىلىس سالاسىنىڭ قارقىنىن ارتتىرۋعا ەرەكشە ماڭىز بەردٸ.
– باسپانا – جۇرتتىڭ تۇرمىس ساپاسىن تانىتاتىن تاعى بٸر ماڭىزدى كٶرسەتكٸش. بيىل 1 ناۋرىزدان باستاپ ٸسكە قوسىلعان «وتاۋ» يپوتەكالىق باعدارلاماسى ەل ٸشٸندە ٷلكەن سۇرانىسقا يە بولىپ وتىر. بۇعان قوسا اۋىل جەنە اۋدان ورتالىعىنىڭ تۇرعىندارىنا ارنالعان جاڭا تۇرعىن ٷي باعدارلاماسىن قولعا الۋ كەرەك. بۇل رەتتە ەلەۋمەتتٸك تۇرعىدا وسال توپتاعى جاندار ٷشٸن نەسيە ٶسٸمٸ 7 پايىزدان اسپاۋى قاجەت. سونىمەن قاتار ساتىپ الۋ قۇقىعىمەن جالعا بەرٸلەتٸن باسپانا سانىن بٸرنەشە ەسە كٶبەيتۋدٸ ٷكٸمەتكە تاپسىرامىن. جەڭٸلدەتٸلگەن جاڭا يپوتەكانىڭ ەنگٸزٸلۋٸ جەنە جالعا بەرٸلەتٸن تۇرعىن ٷيدٸڭ كٶپتەپ سالىنۋى قۇرىلىس قارقىنىن ارتتىرادى. قۇرىلىس سالاسىندا جٷز مىڭداعان وتانداسىمىز ادال ەڭبەك ەتٸپ جٷر. ەڭ باستىسى, بۇل باعدارلاما باسپاناعا مۇقتاج كٶپتەگەن ادامنىڭ ٷي الۋىنا جول اشادى, - دەدٸ مەملەكەت باسشىسى حالىقتى قولجەتٸمدٸ, ساپالى باسپانامەن قامتۋعا وراي بەرگەن تاپسىرماسىندا.
وبلىس ەكٸمدٸگٸندە ٶتكەن كەزەكتٸ جيىندا ايماق باسشىسىنىڭ حالىقتى قولجەتٸمدٸ جەنە ساپالى باسپانامەن قامتاماسىز ەتۋ ماقساتىندا تۇرعىن ٷي قۇرىلىسىنىڭ كٶلەمٸن ارتتىرۋ جٶنٸندەگٸ تاپسىرماسىنىڭ ورىندالۋ بارىسى تالقىلاندى.
– 2024 جىلى بارلىق قارجىلاندىرۋ كٶزدەرٸنەن 3201 پەتەر سالىنىپ, وسىنشاما وتباسى قونىس تويىن تويلاماق. الدىن الا بولجام بويىنشا باسپانا قۇرىلىسىنىڭ كٶلەمٸ بىلتىرعىدان 101,7 پايىزعا ارتپاق. سونىڭ ٸشٸندە 26 كٶپقاباتتى تۇرعىن ٷي سالىنىپ, وسى ٷيلەردەگٸ 2 305 قولايلى پەتەر پايدالانۋعا بەرٸلەدٸ, – دەدٸ وبلىستىق قۇرىلىس, سەۋلەت جەنە قالا قۇرىلىسى باسقارماسى باسشىسىنىڭ ورىنباسارى سايات تويكەنوۆ.
سونىمەن قاتار وسى جىلى «بٸر قاباتتى شىعىس» باعدارلاماسى بويىنشا 2,6 ملرد تەڭگەگە 156 پەتەر سالىنادى. بيىلعى قاڭتار, اقپان ايلارىندا پايدالانۋعا بەرٸلگەن جەكەمەنشٸك تۇرعىن ٷي قۇرىلىسىنىڭ كٶلەمٸ بىلتىرعىدان 102,6 پايىزعا ٶسكەنٸن ايتا كەتكەن ابزال.
ەلٸمٸزدە بيىلعى 1 ناۋرىزدان باستاپ «وتاۋ» باعدارلاماسى ٸسكە قوسىلدى. ٶڭٸر تۇرعىندارى 30 سەۋٸرگە دەيٸن باسپانا ماركەت (otbasybank.kz) پورتالىندا باعدارلاماعا قاتىسۋ تۋرالى ٶتٸنٸش جولداي الادى. باعدارلاما بويىنشا باستاپقى جارنا 20%-دان باستالادى. نەسيە بويىنشا جىلدىق مٶلشەرلەمە – 9% (جەس 9,2% باستاپ). نەسيە مەرزٸمٸ - 19 جىل.
بٷگٸنگە دەيٸن ەلٸمٸزدە 10 مىڭنان استام ادام تۇرعىن ٷي ساتىپ الۋ ٷشٸن بٸرەگەي شارتتاردى ۇسىناتىن «وتاۋ» باعدارلاماسىنا ٶتٸنٸم بەرٸپ ٷلگەرگەن. باعدارلاما الداعى جەتٸ جىلعا ارنالعان, سوندىقتان بۇل مٷمكٸندٸكتٸ پايدالانعىسى كەلگەندەر قازٸردەن باستاپ جيناق جٷرگٸزۋٸ قاجەت. ال ەگەر بانك سالىمشىسى باعدارلامانىڭ شارتتارىنا ساي بولسا, بيىلعى 30 سەۋٸرگە دەيٸن ٶتٸنٸش بەرۋگە ۋاقىتى بار.
