جۋىردا اقش پرەزيدەنتىن سايلاۋدا جەڭىسكە جەتكەن دونالد ترامپ كاسىپكەر يلون ماسكقا قاتىستى مالىمدەمە جاساپ، ول ۇكىمەتتىڭ تيىمدىلىگى جونىندەگى باسقارماعا جەتەكشى بولاتىنىن ايتتى،- دەپ حابارلايدى Dalanews.kz.
"كاسىپكەرلەر يلون ماسك جانە ۆيۆەك راماسۆامي مەملەكەتتىك اپپاراتتى قىسقارتىپ، قايتا قۇرىلىمنان وتكىزۋگە جاۋاپتى ۋاقىتشا قۇرىلعان جاڭا مەكەمەگە جەتەكشىلىك ەتەدى، - دەپ مالىمدەدى اقش-تىڭ جاڭادان سايلانعان پرەزيدەنتى دونالد ترامپ"، - دەپ جازىلعان "ازاتتىق" دەرەگىندە.
باسىلىم مالىمەتىنشە، ترامپ ەكى كاسىپكەردى مەملەكەتتىك قىزمەتتە "راديكال وزگەرىستەر" جاسايتىن "ۇكىمەتتىڭ تيىمدىلىگى جونىندەگى باسقارمانىڭ" جەتەكشىسى رەتىندە تاعايىنداعانىن ايتقان.
"بيۋروكراتياسى از تيىمدىرەك ۇكىمەت قۇرۋ تاۋەلسىزدىك دەكلاراسياسىنىڭ 250 جىلدىعى قارساڭىندا امەريكالىقتارعا كەرەمەت سىي بولادى"، - دەپ كەلتىردە باسىلىم دونالد ترامپتىڭ مالىمدەمەسىن.
جاڭا باسقارمانىڭ ماقسات-مىندەتى - "مەملەكەتتىك بيۋروكراتيانى جويۋ، شامادان تىس رەتتەۋلەردى ازايتۋ، ءتيىمسىز شىعىنداردى قىسقارتۋ جانە فەدەرالدىق قىزمەتتەردى قايتا قۇرىلىمداۋ" دەپ ايتىلادى. باسقارما 2026 جىلدىڭ شىلدەسىنە دەيىن ءوز جۇمىسىن اياقتاۋى كەرەك.
"SpaceX جانە Tesla كومپانيالارىنىڭ نەگىزىن قالاۋشى يلون ماسك جانە Roivant Sciences دارى-دارمەك كومپانياسىنىڭ نەگىزىن قالاۋشى ۆيۆەك راماسۆاني مەملەكەت شىعىنىن قىسقارتىپ، مەملەكەتتىڭ ەكونوميكاداعى ۇلەسىن ازايتۋ ءتارىزدى ۇندەۋلەرىمەن تانىلعان"، - دەپ جازىلعان دەرەكتە.
ايتا كەتەيىك، بۇعان دەيىن ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى ساياساتتانۋ كافەدراسىنىڭ مەڭگەرۋشىسى م.ا. جانات مومىنقۇلوۆ Dalanews.kz-كە سۇحبات بەرىپ، اقش-تاعى سايلاۋ ناتيجەلەرى تۋرالى بولجام جاسادى.
"ترامپ الەمدىك ساياساتتا ويىپ تۇرىپ ورىن الادى. ونىڭ ۇستىنە قازىرگىدەي داعدارىس، سوعىس جاعدايىندا ونىڭ ءىس-قيمىلى - ءبارى وتە ماڭىزدى. ءبىراق حارريس قالعان جاعدايدا امەريكانىڭ وسى ساياساتى جالعاسا بەرەدى. قىتايعا، رەسەيگە، يرانعا قاتىستى شەكتەۋ، تەجەۋ ساياساتى جۇرەدى.
مەنىڭ ويىمشا، ءحارريستىڭ جەڭىسىنە قۋانامىز. ال ترامپ كەلەتىن بولسا، رەسەيمەن قارىم-قاتىناسىنداعى وزگەرىستەر ورتالىق ازياعا، بىزگە سالقىن اسەر ەتەدى. ءبارى اينالىپ كەلگەندە حالىقارالىق جۇيەگە اسەر ەتەدى. ءبىز بولجاپ بولمايتىن وقيعالار باستالىپ كەتۋى مۇمكىن. حارريس ورتالىق ازياعا جاڭا ءبىر كوزقاراس تانىتۋى مۇمكىن، ول - اق ءۇيدىڭ ماڭىنداعى بيۋروكراتتاردىڭ وكىلى، تۇراقتىلىقتىڭ "گارانتياسى". ال ترامپ كەلسە، ۋكرايناداعى جاعداي ۇزاققا سوزىلاتىن داۋعا اينالۋى مۇمكىن. سوندىقتان، مەنىڭ ويىمشا، ءحارريستىڭ كەلگەنى قازاقستانعا ءتيىمدى. ورتالىق ازياعا تىكەلەي اسەرى بولماسا دا، شەشىمدەرى ارقىلى اينالىپ كەلگەندە اسەرى بولادى"، - دەدى ول.
