پرەزيدەنت قاسىم-جومارت توقاەۆ شانحاي ىنتىماقتاستىق ۇيىمىنا مٷشە مەملەكەتتەر باسشىلارى كەڭەسٸنٸڭ وتىرىسىنا قاتىستى, دەپ حابارلايدى dalanews.kz.
"ٶزارا سەنٸمگە سەلكەۋ تٷستٸ" - توقاەۆ
قاسىم-جومارت توقاەۆتىڭ ايتۋىنشا, شيرەك عاسىردا شانحاي ىنتىماقتاستىق ۇيىمى "شانحاي بەستٸگٸنەن" باستاپ ەۋرازييانىڭ ٷلكەن بٶلٸگٸن قامتيتىن جەنە ادامزاتتىڭ جارتىسىنا جۋىعىن بٸرٸكتٸرەتٸن ٸرٸ حالىقارالىق ۇيىمعا اينالدى.
"شىۇ – ەرتٷرلٸ, بٸراق رۋحى بٸر ەلدەردٸڭ بٸرەگەي بٸرلەستٸگٸ رەتٸندە ٸشكٸ مەسەلەگە ارالاسپاۋ, ەگەمەندٸكتٸ قۇرمەتتەۋ, ٶزارا سەنٸم, اشىقتىق پەن ىنتىماقتاستىق قاعيداتتارىن ٸس جٷزٸندە جٷزەگە اسىرىپ كەلەدٸ. بٷگٸندە ول شىن مەنٸندە تابىستى, ىقپالدى ەرٸ سۇرانىسقا يە حالىقارالىق قۇرىلىمعا اينالدى. ەيتسە دە بٸزدٸڭ ۇيىم قۇرىلعان سەتتەن بەرٸ ەلەم ايتارلىقتاي ٶزگەردٸ. كٶز الدىمىزدا حالىقارالىق قاتىناستاردىڭ جاڭا جٷيەسٸ قالىپتاسىپ جاتىر. بٸرٸگۋدەن گٶرٸ جٸككە بٶلٸنۋ, ىنتىماقتاستىق نيەتٸنەن گٶرٸ گەوساياسي باقتالاستىق باسىم تٷسٸپ, مٷددەلەر تەڭگەرٸمٸن ٸزدەۋدٸڭ ورنىنا ارازدىق ٶرشٸپ بارادى. ٶزارا سەنٸمگە سەلكەۋ تٷستٸ. ونسىز ەڭ مىقتى حالىقارالىق ينستيتۋتتاردىڭ ٶزٸ بٸرتە-بٸرتە سىن-قاتەرلەرگە تٶتەپ بەرۋ قابٸلەتٸنەن ايىرىلادى. وسى ورايدا, بٸزدٸڭ ۇيىمنىڭ ماڭىزى ارتا تٷسەدٸ. شىۇ ەسكەري-ساياسي بلوك لوگيكاسىنان تىس ەرەكەت ەتەدٸ ەرٸ ونىڭ قىزمەتٸ قانداي دا بٸر مەملەكەتكە قارسى باعىتتالماعان. ۇيىم مٷلدەم باسقا ساياسي فيلوسوفيياعا, ياعني تٷپكٸ ٶزەگٸندە پروگرەسس جولىنداعى ورتاق باستامالار يدەياسى جاتقان "شانحاي رۋحىنا" سٷيەنەدٸ. بٸزدٸڭ باستى ماقساتىمىز – قۋاتتى ەرٸ ٶركەندەگەن شىۇ قوعامداستىعىن قۇرۋ", – دەدٸ مەملەكەت باسشىسى.
پرەزيدەنت: "ٷش زۇلىم كٷشپەن" كٷرەس باسىم باعىت بولىپ قالا بەرەدٸ"
مەملەكەت باسشىسى قول جەتكەن جەتٸستٸكتەردٸ العا تارتىپ, "شانحاي وندىعىنا" كٸرەتٸن ەلدەردٸڭ بەرٸ ٷشٸن ايرىقشا ماڭىزعا يە باستى باعىتتارعا توقتالدى.
"شىۇ قۇرامىندا ەۋرازييانىڭ ٸرٸ مەملەكەتتەرٸ بار. جاڭادان سۇلبالانىپ كەلە جاتقان ەلەمدٸك تەرتٸپتٸڭ تۇرپاتى قانداي بولماعى كٶبٸنە وسى ەلدەردٸڭ ۇستانىمىنا بايلانىستى. بۇل رەتتە ۇيىمعا ەرەكشە جاۋاپكەرشٸلٸك جٷكتەلەدٸ. ەۋرازييا قۇرلىعىنداعى ستراتەگييالىق تۇراقتىلىق جەنە سەنٸم شارالارى بويىنشا مينيسترلەر دەڭگەيٸندەگٸ شىۇ كونفەرەنتسيياسىن ٶتكٸزۋ قاجەت دەپ سانايمىز. اتالعان ٸس-شارانىڭ كٷن تەرتٸبٸندە ەسكەري تەۋەكەلدەردٸ ازايتۋ, قارۋلانۋ جارىسىن تەجەۋ جەنە قاۋٸپتٸ وقيعالاردىڭ الدىن الۋ مەسەلەسٸن تالقىلاۋعا بولادى. ەسٸرەسە, قارۋلى قاقتىعىستاردىڭ سالدارى كٶبٸنە ەسكەري ٸس-قيمىل ايماقتارىنان تىسقارى جەردٸ شارپىپ, حالىقارالىق نارىقتارعا, كوممەرتسييالىق كەمە قاتىناسىنا, ورنىقتى ەنەرگەتيكالىق جەنە كٶلٸك بايلانىستارىنا نۇقسان كەلتٸرٸپ جاتقانى الاڭداتادى. سونىمەن قاتار داعدارىستىڭ ترانسشەكارالىق سيپاتتا بەلەڭ الۋ قاۋپٸ كٷشەيٸپ كەلەدٸ. بۇرىننان كەلە جاتقان سىن-قاتەرلەر دە ٶزەكتٸلٸگٸن جويعان جوق. "ٷش زۇلىم كٷشپەن" – تەرروريزممەن, ەكسترەميزممەن جەنە سەپاراتيزممەن كٷرەس ٶزارا ىقپالداستىعىمىزدىڭ باسىم باعىتى بولىپ قالا بەرەدٸ. ولار ترانسۇلتتىق قىلمىسپەن, ەسٸرتكٸ تاسىمالىمەن, زاڭسىز قارۋ اينالىمىمەن جەنە كيبەرقاۋٸپپەن استاسىپ جاتىر. قازاقستان سىن-قاتەرلەر مەن قاۋٸپتەرگە قارسى ٸس-قيمىل جٶنٸندەگٸ ەمبەباپ ورتالىقتىڭ, سونداي-اق شىۇ ەسٸرتكٸگە قارسى ورتالىعىنىڭ ماقساتتارى مەن مٸندەتتەرٸن قولدايدى. بۇل قۇرىلىمداردىڭ قىزمەتٸ مەملەكەتتەرٸمٸزدٸڭ قۇزىرلى ورگاندارى اراسىنداعى ٸس-ەرەكەتتٸ ٷيلەستٸرۋدٸ جاڭا دەڭگەيگە كٶتەرٸپ, وسى باعىتتاعى بٸرلەسكەن جۇمىستىڭ نەتيجەسٸن جاقسارتاتىنىنا سەنٸمدٸمٸن, – دەدٸ پرەزيدەنت.
ماڭىزدى ۇسىنىس ايتىلدى
پرەزيدەنت قازٸرگٸ شەكارا ماڭىنداعى ىنتىماقتاستىق ورتالىقتارى بازاسىندا شىۇ ترانسشەكارالىق ساۋدا ايماقتارىن ٸسكە قوسۋعا بولادى دەپ سانايدى.
"وسى ارقىلى تاۋار الماسۋدىڭ وڭتايلانعان تەسٸلٸن, تسيفرلىق رەسٸمدەردٸ جەنە زاماناۋي ەسەپ ايىرىسۋ تەتٸكتەرٸن سىناپ كٶرۋگە بولادى. تاعى بٸر باسىم باعىت – تولىققاندى ينۆەستيتسييالىق كونتۋر قالىپتاستىرۋ. قازاقستان قىتايدىڭ شىۇ دامۋ بانكٸن قۇرۋ تۋرالى باستاماسىن قولدايدى. قارجى ۇيىمىنىڭ رەسۋرسىن, ەڭ الدىمەن, ينفراقۇرىلىمدىق, تەحنولوگييالىق جەنە ٶنەركەسٸپ جوبالارىنا باعىتتاعان جٶن. مٷشە مەملەكەتتەردٸڭ ورتاق ۇيعارىمى بولعان جاعدايدا قازاقستان وسى ينستيتۋتتى, ونىڭ شتاب-پەتەرٸن ٶز اۋماعىندا ورنالاستىرۋعا دايىن", – دەدٸ قاسىم-جومارت توقاەۆ.
"شىۇ-نى رەفورمالاۋ مەسەلەسٸ ەلٸ دە ٶزەكتٸ" - پرەزيدەنت
پرەزيدەنت شانحاي ىنتىماقتاستىق ۇيىمىن رەفورمالاۋ مەسەلەسٸ ەلٸ دە ٶزەكتٸ ەكەنٸنە نازار اۋدارىپ, بۇل جۇمىستى سىرتقى ساياسات ۆەدومستۆولارىنا جٷكتەۋدٸ ۇسىندى.
"سٶز سوڭىندا قازاقستان شىۇ اياسىنداعى سان قىرلى ىنتىماقتاستىقتى جاڭا ەرٸ ساپالى دەڭگەيگە كٶتەرۋگە بارىنشا كٷش سالۋعا دايىن ەكەنٸن تاعى دا راستايمىن. ٶزارا سەنٸم مەن ىقپالداستىقتىڭ ارقاسىندا بٸز بۇدان دا بيٸك بەلەستەردٸ باعىندىراتىنىمىزعا كەمٸل سەنەمٸن. ەلٸمٸز وسى جولدى بٸرگە ەڭسەرۋگە ەزٸر", – دەدٸ قاسىم-جومارت توقاەۆ.
