ول كونفەرەنسيادا ناتو ەلدەرى وكىلدەرى وقيتىن باياندامالاردىڭ نەگىزگى تاقىرىبى "رەسەيدىڭ اگرەسسيالىق سىرتقى ساياساتى جانە باتىس ەلدەرىنە تىكەلەي ءقاۋىپ" تۋرالى بولماق، دەيدى جۋرناليست يبراش نۇسىپبايەۆ.
قازاقستان پرەزيدەنتى قاسىم-جومارت توقايەۆتى شاقىرا وتىرىپ، امەريكالىقتار مەن ەۋروپالىقتار ەندى قازاقستاندى "انتيرەسەيلىك كواليسياعا" قوسىپ الۋعا تىرىسادى، دەپ پايىمدايدى ول.
قاۋىپسىزدىك جونىندەگى ميۋنحەن كونفەرەنسياسى العاش رەت 1938 جىلى وتكىزىلىپ، وندا فرانسيا، يتاليا جانە ۇلىبريتانيا گيتلەرمەن شىعىس ەۋروپانى ءبولىپ الۋ تۋرالى قۇجاتقا قول قويعان، ونىڭ ارتى ەكىنشى دۇنيەجۇزىلىك سوعىسقا اكەلدى.
1962 جىلدان باستاپ ميۋنحەن كونفەرەنسياسى جىل سايىن وتەتىن فورماتقا كوشتى. 1990 جىلعا دەيىن بۇل فورۋمعا تەك ناتو ەلدەرىنىڭ اسكەري جانە ساياسي باسشىلارى، كسرو-نىڭ كوزىن قۇرتۋ ماسەلەرىن تالقىلايتىن ساياساتتانۋشىلار مەن ب ا ق وكىلدەرى قاتىسىپ كەلگەن.
كسرو ىدىراعاننان كەيىن كونفەرەنسياعا رەسەي جانە شىعىس ەۋروپا ەلدەرى، جۇڭگو، ءۇندىستان، جاپونيا وكىلدەرى قاتىستىرىلا باستادى.
