ەلىمىزدە «تازا ولكە» اكسياسى جالعاسۋدا. ناۋقان اياسىندا بۇگىن قونايەۆتاعى كوللەدجدەردىڭ 200 ستۋدەنتى وقۋ وشاقتارىنىڭ اۋماعىن قوقىستان تازارتتى.
الماتى وبلىستىق كوپسالالى ۇزدىكسىز ءبىلىم بەرۋ كوللەدجىنىڭ بىلىمگەرلەرى ەكوناۋقاندى قولداۋ تۋرالى چەللەندجدى وڭىردەگى باسقا ءبىلىم بەرۋ مەكەمەلەرىنە جولدادى. ولار سەنبىلىك بارىسىندا 10 قاپ قوقىس شىعاردى.
ال قونايەۆ كوپسالالى كوللەدجىنىڭ ستۋدەنتتەرى 20 قاپ قوقىس شىعارعاندارىن ايتتى.
«بۇگىن ءبىز سىپىرتقى، تىرما، اشا سەكىلدى كەرەك-جاراقتارىمىزدى الىپ، بارلىعىمىز سەنبىلىككە شىقتىق. تەك كوللەدج اۋماعىن ەمەس، نىسانعا جاقىن جاتقان كوشەلەردى دە تازارتتىق. تازالىق وزىمىزدەن باستالادى. سوندىقتان مەن قاتارلاس جاستاردى، بالالاردى تابيعاتتى ايالاپ ۇستاۋعا، مادەنيەتتى بولۋعا شاقىرامىن»، - دەدى 3-كۋرس بىلىمگەرى ەرلىك عاني ۇلى.
جالپى قونايەۆ قالاسىنىڭ تۇرعىندارى سەنبىلىكتەرگە بەلسەندى قاتىسىپ جاتقانىن ايتا كەتەيىك. ەرتەڭ شاعىن جانە ورتا بيزنەس ورىندارىنىڭ، ءوندىرىس وشاقتارىنىڭ اۋماعى تازالانادى.
