Elimizde «Taza ólke» aktsiiasy jalǵasýda. Naýqan aiasynda búgin Qonaevtaǵy kolledjderdiń 200 stýdenti oqý oshaqtarynyń aýmaǵyn qoqystan tazartty.
Almaty oblystyq kópsalaly úzdiksiz bilim berý kolledjiniń bilimgerleri ekonaýqandy qoldaý týraly chellendjdi óńirdegi basqa bilim berý mekemelerine joldady. Olar senbilik barysynda 10 qap qoqys shyǵardy.
Al Qonaev kópsalaly kolledjiniń stýdentteri 20 qap qoqys shyǵarǵandaryn aitty.
«Búgin biz sypyrtqy, tyrma, asha sekildi kerek-jaraqtarymyzdy alyp, barlyǵymyz senbilikke shyqtyq. Tek kolledj aýmaǵyn emes, nysanǵa jaqyn jatqan kóshelerdi de tazarttyq. Tazalyq ózimizden bastalady. Sondyqtan men qatarlas jastardy, balalardy tabiǵatty aialap ustaýǵa, mádenietti bolýǵa shaqyramyn», - dedi 3-kýrs bilimgeri Erlik Ǵaniuly.
Jalpy Qonaev qalasynyń turǵyndary senbilikterge belsendi qatysyp jatqanyn aita keteiik. Erteń shaǵyn jáne orta biznes oryndarynyń, óndiris oshaqtarynyń aýmaǵy tazalanady.
