«قازاقستاندى شارلاپ، مىڭداعان شاقىرىمدى ارتقا قالدىرىپ، جۇزدەگەن، مىڭداعان اداممەن جۇزدەسىپ مىناداي توقتامعا كەلدىم: قازاقستان بىرتە-بىرتە ءۇشىنشى الەمنىڭ ەلىنە اينالىپ بارادى.
حالىقتى كەدەيلىك پەن قايىرشىلىق قوس وكپەدەن قىسىپ جاتىر. ەڭ ۇرەيلىسى بۇعان حالىق تا كوندىگىپ كەتكەن، ءسىڭىرى شىققان كەدەيلىكتى تاعدىردىڭ جازعانى، قايىرشىلىقتى قاشىپ قۇتىلا المايتىن ىندەت ىسپەتتى قابىلدايدى. استە، ولاي ەمەس...
حالقىمىز باي دا باقۋاتتى عۇمىر كەشۋگە لايىقتى ەدى. مۇنشاما بايلىعىمىز بار بىزگە باي بولۋدى ماڭدايىمىزعا جازعان ەدى. بار بولعانى 18-اق ميلليونبىز، شاقتاپ العاندا الەمدەگى ءىرى قالالارداعى حالىق سانىمەن بىردەي.
بالسىنگەنىم ەمەس، قازاقستاندى از ۋاقىتتىڭ ىشىندە باي دا باقۋاتتى ەلگە اينالدىرۋدىڭ جولىن بىلەمىن. وزگە حالىقتاردان قاي جەرىمىز كەم؟ ءبىزدىڭ دە قولىمىزدان كەلەدى. مەنىڭ ەڭ باستى – ارمان-مۇراتىم وسى.
ەلىمىزدى شارلاپ شىعىپ، شىنايى قازاقستاندى كوزىممەن كوردىم. ءدال ءقازىر بۇل ماعان اسا ماڭىزدى ەدى.
جۇرتىممەن جۇزدەسىم ۇلكەن كۇش-قۋات العانىم دا راس. حالقىمىزدىڭ تەكتىلىگى مەن دانالىعىنا تاعى ءبىر مارتە كوز جەتكىزدىم. الەۋمەتتىك جەلىدەگى ىردۋ-دىردۋ ونى مۇلدە قىزىقتىرمايدى ەكەن.
ءومىردىڭ ءمانىن لايكپەن باعالايتىندار قازاقستاندى ءبىر شارلاپ شىقسا، كوكىرەك كوزى اشىلار ەدى. شىنايى ءومىر مۇلدە بولەك...»، – دەيدى ساياساتكەر.
