«Qazaqstandy sharlap, myńdaǵan shaqyrymdy artqa qaldyryp, júzdegen, myńdaǵan adammen júzdesip mynadai toqtamǵa keldim: Qazaqstan birte-birte úshinshi álemniń eline ainalyp barady.
Halyqty kedeilik pen qaiyrshylyq qos ókpeden qysyp jatyr. Eń úreilisi buǵan halyq ta kóndigip ketken, sińiri shyqqan kedeilikti taǵdyrdyń jazǵany, qaiyrshylyqty qashyp qutyla almaityn indet ispetti qabyldaidy. Áste, olai emes...
Halqymyz bai da baqýatty ǵumyr keshýge laiyqty edi. Munshama bailyǵymyz bar bizge bai bolýdy mańdaiymyzǵa jazǵan edi. Bar bolǵany 18-aq millionbyz, shaqtap alǵanda álemdegi iri qalalardaǵy halyq sanymen birdei.
Bálsingenim emes, Qazaqstandy az ýaqyttyń ishinde bai da baqýatty elge ainaldyrýdyń jolyn bilemin. Ózge halyqtardan qai jerimiz kem? Bizdiń de qolymyzdan keledi. Meniń eń basty – arman-muratym osy.
Elimizdi sharlap shyǵyp, shynaiy Qazaqstandy kózimmen kórdim. Dál qazir bul maǵan asa mańyzdy edi.
Jurtymmen júzdesim úlken kúsh-qýat alǵanym da ras. Halqymyzdyń tektiligi men danalyǵyna taǵy bir márte kóz jetkizdim. Áleýmettik jelidegi yrdý-dyrdý ony múlde qyzyqtyrmaidy eken.
Ómirdiń mánin laikpen baǵalaityndar Qazaqstandy bir sharlap shyqsa, kókirek kózi ashylar edi. Shynaiy ómir múlde bólek...», – deidi saiasatker.
