2019 جىلدىڭ قازان ايىندا جاۋشىقۇم اۋىلىنىڭ تۇرعىنى قۇرالبەك دۇيسەبايەۆ تالدىقورعان قالاسىنان 5 مىڭ باس بالاپان ساتىپ اكەلىپ، ارنايى قورادا كۇتىپ-باپتاعان. سول بالاپانداردىڭ باسىم بولىگى ەندى بىرەر كۇندە العاشقى جۇمىرتقاسىن بەرە باستاماق. شارۋا كۇنىنە شامامەن 4،5 مىڭ دانا جۇمىرتقا الامىز دەپ جوسپارلاپ وتىر.
– بۇگىندە شاردارا اۋدانىنا جۇمىرتقا سىرت اۋدان، قالالاردان تاسمالدانادى. ءتىپتى ەلىمىزدىڭ وزگە وبلىستارىنان دا اكەلىنەدى. ياعني سۇرانىس مول. بىزگە وسى جايت وي سالىپ، جۇمىرتقا ءوندىرۋ باعىتىندا جەكە بيزنەسىمىزدى باستاپ كورمەككە نيەتتەندىك. مىنە، بىلتىر 5 مىڭ تاۋىق اكەلسەك، الداعى شىلدە ايىندا ونىڭ قاتارىن 10 مىڭ باسقا جەتكىزسەك دەپ وتىرمىز، – دەيدى «جاۋشىقۇم-قۇس» سەرىكتەستىگىنىڭ باسشىسى قۇرالبەك دۇيسەبايەۆ.
كاسىپكەر جىگىت ءدال وسىنداي تاۋىق فەرماسىن كورشى ارىس قالاسىنىڭ اقدالا اۋىلىندا دا سالىپ جاتىر. ءقازىر بۇل فەرمانىڭ قۇرىلىسى قارقىندى تۇردە جۇرگىزىلۋدە. ەندى بىرەر ايدا 10 مىڭ باستىق تاۋىق فەرماسى ارىس قالاسىنان دا ىسكە قوسىلادى.
تۇركىستان وبلىستىق وڭىرلىك كوممۋنيكاسيالار قىزمەتى
