2019 jyldyń qazan aiynda Jaýshyqum aýylynyń turǵyny Quralbek Dúisebaev Taldyqorǵan qalasynan 5 myń bas balapan satyp ákelip, arnaiy qorada kútip-baptaǵan. Sol balapandardyń basym bóligi endi birer kúnde alǵashqy jumyrtqasyn bere bastamaq. Sharýa kúnine shamamen 4,5 myń dana jumyrtqa alamyz dep josparlap otyr.
– Búginde Shardara aýdanyna jumyrtqa syrt aýdan, qalalardan tasmaldanady. Tipti elimizdiń ózge oblystarynan da ákelinedi. Iaǵni suranys mol. Bizge osy jait oi salyp, jumyrtqa óndirý baǵytynda jeke biznesimizdi bastap kórmekke niettendik. Mine, byltyr 5 myń taýyq ákelsek, aldaǵy shilde aiynda onyń qataryn 10 myń basqa jetkizsek dep otyrmyz, – deidi «Jaýshyqum-qus» seriktestiginiń basshysy Quralbek Dúisebaev.
Kásipker jigit dál osyndai taýyq fermasyn kórshi Arys qalasynyń Aqdala aýylynda da salyp jatyr. Qazir bul fermanyń qurylysy qarqyndy túrde júrgizilýde. Endi birer aida 10 myń bastyq taýyq fermasy Arys qalasynan da iske qosylady.
Túrkistan oblystyq óńirlik kommýnikatsiialar qyzmeti
