شقو بويىنشا قىلمىستىق اتقارۋ جۇيەسى دەپارتامەنتى (قاجد) باسپا ءسوز قىزمەتىنىڭ مالىمەتىنە بويىنشا، وۆ 156/6 جانە وۆ 156/20 تۇزەتۋ مەكەمەلەرىندە جازاسىن وتەپ جاتقان تاۋەلسىزدىك قۇرداستارى دومبىرا مەن استاۋ جاساپ شىعاردى.
وندا «تاۋەلسىزدىككە 30 جىل» دەپ جازىلعان.
«وۆ 156/20 كولونياسىندا سوتتالعان ازامات استاۋدى جەرگىلىكتى مۇراجايعا سىيعا تارتتى. ال وۆ 156/6 مەكەمەسىندە 10 جىلعا باس بوستاندىعىنان ايىرىلعان ەر ادام ءوز قولىمەن جاساعان قازاقتىڭ ۇلتتىق اسپابىن سول مەكەمەدە ساباق بەرگەن ۇستازى اقتاۋ بەكسولتانوۆقا سىيعا تارتتى. سوتتالعان تۇرمەگە تۇسكەن كەزدە مەكتەپتى اياقتاماعان بولاتىن. سوندىقتان ول مەكەمەنىڭ كەشكى مەكتەبىنە 8 سىنىپتان باستاپ وقۋعا قابىلدانىپ، ءبىلىم الدى»، - دەدى دەپارتامەنتتىڭ باسپا ءسوز حاتشىسى سالتانات وجيكانوۆا.
شقو كولونيالارىندا جازاسىن وتەپ جاتقان سوتتالعانداردا ەل تاۋەلسىزدىگىنىڭ 30 جىلدىق مەرەيتويىنا وراي ءتۇرلى ءىس-شارالار وتكىزىلۋدە. باس بوستاندىعىنان ايىرىلعاندار مەرەكەگە ارناپ قابىرعا گازەتتەرىن جاساپ، سپورتتىق سايىستارعا قاتىسۋدا.
