"Táýelsizdik qurdastary". ShQO-da abaqtyda otyrǵan azamattar dombyra men astaý jasady
ShQO boiynsha Qylmystyq atqarý júiesi departamenti (QAJD) baspasóz qyzmetiniń málimetine boiynsha, OV 156/6 jáne OV 156/20 túzetý mekemelerinde jazasyn ótep jatqan táýelsizdik qurdastary dombyra men astaý jasap shyǵardy.
Onda «Táýelsizdikke 30 jyl» dep jazylǵan.
«OV 156/20 koloniiasynda sottalǵan azamat astaýdy jergilikti murajaiǵa syiǵa tartty. Al OV 156/6 mekemesinde 10 jylǵa bas bostandyǵynan aiyrylǵan er adam óz qolymen jasaǵan qazaqtyń ulttyq aspabyn sol mekemede sabaq bergen ustazy Aqtaý Beksoltanovqa syiǵa tartty. Sottalǵan túrmege túsken kezde mektepti aiaqtamaǵan bolatyn. Sondyqtan ol mekemeniń keshki mektebine 8 synyptan bastap oqýǵa qabyldanyp, bilim aldy», - dedi departamenttiń baspasóz hatshysy Saltanat Ojikanova.
ShQO koloniialarynda jazasyn ótep jatqan sottalǵandarda el Táýelsizdiginiń 30 jyldyq mereitoiyna orai túrli is-sharalar ótkizilýde. Bas bostandyǵynan aiyrylǵandar merekege arnap qabyrǵa gazetterin jasap, sporttyq saiystarǵa qatysýda.
