ءبىر جاعىنانان قاراساڭىز، يادرولىق سىناقتان جاپا شەككەن وڭىردە وسىنداي يگىلىكتى جۇمىستاردىڭ اتقارىلۋى ورىندى ەكەنىن دە اڭعاراسىڭ. كەڭەس زاماناندا سالىنعان جان جاراسى تاۋەلسىزدىك جىلدارى ءبىرشاما جازىلىپ قاراقوتىرلاندى.
وسىلايشا وبلىسى باسشىلارى وبلىستاعى حالىقتىڭ دەنساۋلىعىن جاقسارتۋعا باسا كوڭىل بولۋمەن بولدى. بۇل باعىتتاعى جۇمىستار دانيال احمەتوۆتىڭ تۇسىندا قارقىن العانىن اتاپ ايتۋىمىز كەرەك.
تاۋەلسىزدىك جىلدارى وڭىردە دەنساۋلىق ساقتاۋ سالاسىنىڭ قانشالىقتى وركەندەگەنىن شقو دەنساۋلىق ساقتاۋ باسقارماسىنىڭ باسشىسى ەرمەك وماربەكوۆ ايتىپ بەردى.
– ەلىمىز تاۋەلسىزدىككە قول جەتكىزگەلى بەرى دەنساۋلىق ساقتاۋ سالاسىنا ايرىقشا كوڭىل ءبولىپ كەلەدى. كەرەك دەسەڭىز، بۇل سالا ەلىمىز ءۇشىن ستراتەگيالىق باعىت بولعانى انىق. سول سەبەپتى شىعىس قازاقستان وبلىسى دەنساۋلىق ساقتاۋ سالاسىن دامىتىپ، ساپالى مەديسينالىق قىزمەتتىڭ قولجەتىمدىلىگىن ارتتىرۋ باعىتىندا كوپتەگەن جۇمىستار قولعا الىنىپ، ءوز ناتيجەسىن بەردى.
ءيا، ەلىمىز تاۋەلسىزدىككە قول جەتكىزگەن توقسانىنشى جىلدارى دانساۋلىق ساقتاۋ سالاسى دە كوپتەگەن قيىندىقتاردى باستان وتكەردى. ەلباسى نۇرسۇلتان نازاربايەۆتىڭ ساربادال ساياساتىنىڭ ارقاسىندا الدىمىزدان شىققان قيىندىقتاردى قىسقا ۋاقىتتىڭ ىشىندە ەڭسەرىپ، ەلىمىز دامۋعا بەت الدى. وسى مەملەكەتىمىزدىڭ دامۋ جىلدارى دەنساۋلىق ساقتاۋ سالاسى ۇلكەن وزگەرىستەردى باستان كەشىردى. سالا قىزمەتكەرلەرى بۇرىن ارمانداعان مەديسينالىق نىساندار بوي كوتەرىپ، زامناۋي مەديسينالىق قۇرال-جابدىقتارمەن جۇمىس ىستەۋ مۇمكىندىگىنە يە بولدى.
بىلىكتى مامانداردى دامىعان ەلدەردە بىلىكتىلىگىن شىڭداپ، ولاردىڭ حالىققا ساپالى قىزمەت كورسەتۋىنە مۇمكىندىك تۋدى. وسىنىڭ ءبارى تاۋەلسىزدىكتىڭ ارقاسىندا مۇمكىن بولدى. سوندىقتان بىزدەر تاۋەلسىزدىگىمىزدى قاستەرلەپ، قادىرىنە جەتۋمىز كەرەك، – دەپ باسقارما باسشىسى كوكەيدە جۇرگەن ويلارىن ورتاعا سالدى.
ءيا، مەملەكەتىمىز دەنساۋلىق سالاسىنا بارىنشا كوڭىل ءبولىپ، حالىقتىڭ ءومىر ءسۇرۋ جاسىن كوتەرۋ جولىندا كوپتەگەن جۇمىستار اتقارعانى انىق. ايتالىق، ەلباسى نۇرسۇلتان نازاربايەۆ 2002 جىلى ەلىمىز بويىنشا دەنساۋلىق جىلى جاريالاپ، سالانى ساۋىقتىرۋعا ايرىقشا كوڭىل بولگەن بولاتىن. ءدال وسى جىلى دەنساۋلىق ساقتاۋ سالاسىنا بولىنەتىن قارجىنىڭ كولەمى ارتىپ، ەلىمىزدەگى مەديسينا مەكەمەلەرىنىڭ ماتەريالدى-تەحنيكالىق بازاسى جاڭارىپ، ۇلكەن العا جىلجۋشىلىق ورىن العانى ەسىمىزدە. مىنە، سودان بەرى دەنساۋلىق ساقتاۋ سالاسىنا وسىپ-وركەندەۋمەن بولدى.
1991-2021 جىلدار ارالعىندا شىعىس قازاقستان وبلىسى اۋماعىندا ەكى قالالىق، التى اۋداندىق ەمحانا، 38 دارىگەرلىك امبۋلاتوريا، 47 مەدپۋنكتتەر سالىندى. بۇدان باسقا ەكى تۋبەركۋلەزگە قاراسى ەمحانا، قان ورتالىعى، بۇدان باسقا كوپتەگەن جەكەمەنشىك كلينيكالار بوي كوتەرگەنىنەن اتاپ ايتۋعا بولادى. وسىنداي يگىلىكتى جۇمىستاردىڭ ارقاسىندا حالىقتىڭ دەنساۋلىعى نىعايىپ، ءولىم-جىتىم ايتارلىقتاي تومەندەدى.
