Osylaisha oblysy basshylary oblystaǵy halyqtyń densaýlyǵyn jaqsartýǵa basa kóńil bólýmen boldy. Bul baǵyttaǵy jumystar Danial Ahmetovtyń tusynda qarqyn alǵanyn atap aitýymyz kerek.
Táýelsizdik jyldary óńirde densaýlyq saqtaý salasynyń qanshalyqty órkendegenin ShQO Densaýlyq saqtaý basqarmasynyń basshysy Ermek Omarbekov aityp berdi.
– Elimiz Táýelsizdikke qol jetkizgeli beri densaýlyq saqtaý salasyna airyqsha kóńil bólip keledi. Kerek deseńiz, bul sala elimiz úshin strategiialyq baǵyt bolǵany anyq. Sol sebepti Shyǵys Qazaqstan oblysy densaýlyq saqtaý salasyn damytyp, sapaly meditsinalyq qyzmettiń qoljetimdiligin arttyrý baǵytynda kóptegen jumystar qolǵa alynyp, óz nátijesin berdi.
Iá, elimiz Táýelsizdikke qol jetkizgen toqsanynshy jyldary dansaýlyq saqtaý salasy de kóptegen qiyndyqtardy bastan ótkerdi. Elbasy Nursultan Nazarbaevtyń sarbadal saiasatynyń arqasynda aldymyzdan shyqqan qiyndyqtardy qysqa ýaqyttyń ishinde eńserip, elimiz damýǵa bet aldy. Osy memleketimizdiń damý jyldary densaýlyq saqtaý salasy úlken ózgeristerdi bastan keshirdi. Sala qyzmetkerleri buryn armandaǵan meditsinalyq nysandar boi kóterip, zamnaýi meditsinalyq qural-jabdyqtarmen jumys isteý múmkindigine ie boldy.
Bilikti mamandardy damyǵan elderde biliktiligin shyńdap, olardyń halyqqa sapaly qyzmet kórsetýine múmkindik týdy. Osynyń bári Táýelsizdiktiń arqasynda múmkin boldy. Sondyqtan bizder Táýelsizdigimizdi qasterlep, qadirine jetýmiz kerek, – dep basqarma basshysy kókeide júrgen oilaryn ortaǵa saldy.
Iá, memleketimiz densaýlyq salasyna barynsha kóńil bólip, halyqtyń ómir súrý jasyn kóterý jolynda kóptegen jumystar atqarǵany anyq. Aitalyq, Elbasy Nursultan Nazarbaev 2002 jyly elimiz boiynsha densaýlyq jyly jariialap, salany saýyqtyrýǵa airyqsha kóńil bólgen bolatyn. Dál osy jyly densaýlyq saqtaý salasyna bólinetin qarjynyń kólemi artyp, elimizdegi meditsina mekemeleriniń materialdy-tehnikalyq bazasy jańaryp, úlken alǵa jyljýshylyq oryn alǵany esimizde. Mine, sodan beri densaýlyq saqtaý salasyna ósip-órkendeýmen boldy.
1991-2021 jyldar aralǵynda Shyǵys Qazaqstan oblysy aýmaǵynda eki qalalyq, alty aýdandyq emhana, 38 dárigerlik ambýlatoriia, 47 medpýnktter salyndy. Budan basqa eki týberkýlezge qarasy emhana, Qan ortalyǵy, budan basqa kóptegen jekemenshik klinikalar boi kótergeninen atap aitýǵa bolady. Osyndai igilikti jumystardyń arqasynda halyqtyń densaýlyǵy nyǵaiyp, ólim-jitim aitarlyqtai tómendedi.
