تاۋەلسىزدىك جىلدارىندا وزگە سالالارمەن قاتار دەموگرافيالىق كورسەتكىشتەر دە ءوستى. دەموگرافيالىق كورسەتكىشتەردىڭ وسۋىنە تۇركىستان ءوڭىرى ەرەكشە ۇلەس قوسقان. 

ەندى نازارلارىڭىزعا 27 جىلداعى كەي دەرەكتەردى ۇسىنساق.

ەلىمىز ەگەمەندىك العان تۇستا حالىق سانى 16 ميلليوننىڭ شاماسىندا بولسا، ءقازىر 18 ميلليوننان استىق. ياعني قازاقستاندىقتاردىڭ سانى شيرەك عاسىردا 12 پروسەنتكە ارتتى.

1991 جىلدان بەرى قازاق جەرىندە 8،7 ميلليون پەرزەنت دۇنيەگە كەلدى.

ال ءاربىر جەتىنشى ءسابي تۇركىستان وبلىسىندا تۋعان ەكەن. جالپى، ەلىمىزدە ەڭ جوعارى تۋۋ كورسەتكىشى 2016 جىلى تىركەلگەن.

بۇل جىلى قازاقستاندىقتاردىڭ سانى 400 مىڭعا ارتتى. دەموگرافتار كەلتىرگەن تاعى ءبىر قىزىق دەرەك، 20-30 جاس ارالىعىنداعى ەرلەر مەن ايەلدەر سانى.

ەلىمىزدىڭ وڭتۇستىك وڭىرلەرىندە اتالعان جاستاعى تۇرعىنداردىڭ سانى شامالاس بولسا، الماتى، قوستاناي جانە اقتوبەدە ەرلەرگە قاراعاندا قىز-كەلىنشەكتەر كوپ كورىنەدى.

27 جىلدا قازاقستان ازاماتتارىنىڭ ورتاشا ءومىر ءسۇرۋ ۇزاقتىعى ارتتى. نازار اۋداراتىن جايت، ايەلدەر ەر ادامدارعا قاراعاندا 10 جىل ۇزاق ءومىر سۇرەدى ەكەن. ماسەلەن، توقسانىنشى جىلدارمەن سالىستىرعاندا ەرلەردىڭ جاسى 62-دەن 68-گە، ال ايەلدەردىڭ جاسى 72-دەن 76-عا دەيىن ۇلايعان.