Endi nazarlaryńyzǵa 27 jyldaǵy kei derekterdi usynsaq.
Elimiz egemendik alǵan tusta halyq sany 16 millionnyń shamasynda bolsa, qazir 18 millionnan astyq. Iaǵni qazaqstandyqtardyń sany shirek ǵasyrda 12 protsentke artty.
1991 jyldan beri qazaq jerinde 8,7 million perzent dúniege keldi.
Al árbir jetinshi sábi Túrkistan oblysynda týǵan eken. Jalpy, elimizde eń joǵary týý kórsetkishi 2016 jyly tirkelgen.
Bul jyly qazaqstandyqtardyń sany 400 myńǵa artty. Demograftar keltirgen taǵy bir qyzyq derek, 20-30 jas aralyǵyndaǵy erler men áielder sany.
Elimizdiń ońtústik óńirlerinde atalǵan jastaǵy turǵyndardyń sany shamalas bolsa, Almaty, Qostanai jáne Aqtóbede erlerge qaraǵanda qyz-kelinshekter kóp kórinedi.
27 jylda Qazaqstan azamattarynyń ortasha ómir súrý uzaqtyǵy artty. Nazar aýdaratyn jait, áielder er adamdarǵa qaraǵanda 10 jyl uzaq ómir súredi eken. Máselen, toqsanynshy jyldarmen salystyrǵanda erlerdiń jasy 62-den 68-ge, al áielderdiń jasy 72-den 76-ǵa deiin ulaiǵan.
