جيىنعا «اتامەكەن» قر ۇلتتىق كەسٸپكەرلەر پالاتاسىنىڭ باسقارما تٶراعاسىنىڭ 1-شٸ ورىنباسارى ماقسات قيقىموۆ, قر پارلامەنتٸ مەجٸلٸسٸنٸڭ دەپۋتاتى قاينار اباسوۆ جەنە ٶڭٸرلٸك كەڭەس مٷشەلەرٸ, اۋداندىق كەسٸپكەرلەر كەڭەسٸ مٷشەلەرٸ, تٷركٸستان وبلىسى مەسليحاتىنىڭ دەپۋتاتتارى, مەملەكەتتٸك ورگاندارمەن قارجى ينستيتۋت باسشىلارى جەنە كەسٸپكەرلەر قاتىستى. ٶڭٸر باسشىسى تٷركٸستان وبلىسىندا شاعىن كەسٸپكەرلٸكتٸڭ ەلەۋەتٸ جوعارى ەكەنٸنە توقتالدى.
– تٷركٸستان وبلىسىندا حالىق سانى كٶبەيٸپ كەلەدٸ. ول – قۋانىشتى جاعداي. ەندٸ سول ەلگە قاجەتتٸ جۇمىس ورىندارىن, ٶندٸرٸس ورىندارىن كٶبەيتۋ – ۋاقىت تالابى. تٷركٸستان ٶڭٸرٸنٸڭ تۇرعىندارى قاشان دا كەسٸپكەرلٸككە بەيٸم بولعان. كەسٸپكەرلٸك سۋبەكتٸلەرٸ سانى جٶنٸنەن وبلىسىمىز الماتى مەن نۇر-سۇلتان قالاسىنان كەيٸن ٷشٸنشٸ ورىندا تۇر.
كەسٸپكەرلەر سانى جىلدىڭ ٶزٸندە 10 مىڭعا ٶسٸپ, 155 مىڭعا جەتتٸ. سوندىقتان بٸز كەسٸپكەرلٸككە ٷلكەن ماڭىز بەرٸپ, «قاراپايىم زاتتار ەكونوميكاسى» مەن «بيزنەستٸڭ جول كارتاسى – 2025» باعدارلاماسى ارقىلى قولداۋ كٶرسەتٸپ وتىرمىز. تٷركٸستانداعى قۇرىلىستاردى دا جەرگٸلٸكٸ كەسٸپكەرلەر اتقارىپ جاتىر. كەسٸپكەر بولۋ – ٶتە قيىن. ول ٷشٸن ەكونوميكا, زاڭ, بۋحگالتەرييادان بٸلٸم بولۋى كەرەك. ۇيىمداستىرۋشىلىق شەبەرلٸگٸ جوعارى جەنە تەۋەكەلگە بارا الاتىن ازاماتتار عانا مىقتى كەسٸپكەر بولا الادى, – دەدٸ ٶمٸرزاق شٶكەەۆ.
كەزدەسۋدٸڭ كٷن تەرتٸبٸندە كوللەدجدەردٸ سەنٸمگەرلٸك باسقارۋعا بەرۋ, تٷركٸستان يندۋسترييالىق ايماعىندا ورنالاسقان كەسٸپورىنداردىڭ پروبلەمالىق مەسەلەلەرٸ, تٷركٸستان قالاسىندا قولٶنەرشٸلەر ورتالىعىن اشۋ جەنە ٶزگە دە مەسەلەلەر تالقىلاندى. جەڭٸلدەتٸلگەن نەسيە, سۋبسيدييا تٷيتكٸلدەرٸ دە تارقاتىلدى. كەسٸپكەرلەر ەركٸن فورماتتا كٶكەيدە جٷرگەن سۇراقتارىن قويىپ, ول ۇسىنىستار حاتتاماعا ەنگٸزٸلدٸ.
وسى كٷنٸ تٷركٸستاندا «كەسٸپكەرلٸك قىراندارى» جوباسىنىڭ ٸٸٸ كەزەڭٸ ٶتتٸ. بيزنەستٸ بيزنەسكە قولداۋ كٶرسەتۋگە شاقىراتىن ماڭىزدى ٸس-شاراعا وبلىس ەكٸمٸ ٶمٸرزاق شٶكەەۆ پەن كەسٸپكەرلەر, مەنتورلار, جوبا اۆتورلارى قاتىستى. ٶڭٸر باسشىسى بۇل جوبانىڭ كەسٸپكەرگە بەرەرٸ كٶپ ەكەنٸن ايتىپ, قاتىسۋشىلارعا سەتتٸلٸك تٸلەدٸ.
– بٷگٸن سٸزدەرمەن قايتا قاۋىشىپ, «كەسٸپكەرلٸك قىراندارى» جوباسىنىڭ كەزەكتٸ ماۋسىمىن ٶتكٸزگەلٸ وتىرمىز. جوبانىڭ ەرەكشەلٸگٸ – «كەسٸپكەرلٸك قىراندارى» ارقىلى ٸرٸ بيزنەس ٶكٸلدەرٸ كاپيتالى جوق, بٸراق بيزنەس يدەياسى بار, كەسٸپكەرلٸككە جاڭا قادام باسقان ازاماتتارعا قولداۋ كٶرسەتەدٸ.
ەرينە كەسٸپكەرلەردٸ قولداۋ مەملەكەت باسشىسىنىڭ, ٷكٸمەتتٸڭ ۇدايى نازارىندا تۇرعان مەسەلە. بيزنەستٸ قولداۋعا باعىتتالعان كەڭ كٶلەمدەگٸ باعدارلامالار وسىنىڭ دەلەلٸ. «قاراپايىم زاتتار ەكونوميكاسى», «بيزنەستٸڭ جول كارتاسى 2025» باعدارلامالارى وبلىس كەسٸپكەرلەرٸمەن جاقسى قولدانىلۋدا.
«قاراپايىم زاتتار ەكونوميكاسى» ارقىلى كەسٸپكەرلەر 47 ملرد تەڭگەگە جەڭٸلدەتٸلگەن 6%-بەن نەسيەلەنگەن بولسا, «بيزنەستٸڭ جول كارتاسى 2025» ارقىلى جىل سوڭىنا دەيٸن 40 ملرد تەڭگەگە نەسيەلەۋ كٷتٸلۋدە. جاڭادان بيزنەستٸ باستاۋ, جوبانى قارجىلاندىرۋدا جوبانىڭ ماڭىزى زور. سوندىقتان ٸزباسار بۋىنعا جاساپ جاتقان قولداۋلار ٷلكەن قۇرمەتكە لايىق.
«كەسٸپكەرلٸك قىراندارى» جوباسى بٸرٸنشٸ كەزەكتە ستارتاپ جوبالار ٷشٸن قاجەتتٸ قارجىلاي قولداۋ بولسا, ەكەنشٸ كەزەكتە قارجى سالىمىن جاساعان مەنتورلار ٷشٸندە ينۆەستيتسييا كٶزٸ دەپ ايتۋعا بولادى. ياعني, ەكٸ جاققا دا ۇتىمدى ينۆەستيتسييا. «كەسٸپكەرلٸك قىراندارى» جوباسىنا قولداۋ كٶرسەتكەن مەنتورلارعا العىسىمدى ايتقىم كەلەدٸ. سٸزدەر ٶڭٸردٸڭ ەلەۋمەتتٸك-ەكونوميكالىق دامۋىنا ٷلەس قوسىپ جاتىرسىزدار, — دەدٸ ول.
جوبانىڭ وسى كەزەڭٸنە «اتامەكەن» ۇكپ باسقارما تٶراعاسىنىڭ بٸرٸنشٸ ورىنباسارى ماقسات قيقىموۆ پەن قر پارلامەنتٸ مەجٸلٸسٸنٸڭ دەپۋتاتى قاينار اباسوۆ تا قاتىستى.
ايتا كەتەيٸك, «كەسٸپكەرلٸك قىراندارى» – بٸرەگەي جوبا. ول تٷركٸستان وبلىسىندا شاعىن بيزنەستٸ قولداۋ ٷشٸن ٸسكە قوسىلعان. جوبانى تٷركٸستان وبلىسى كەسٸپكەرلەر پالاتاسى مەن وبلىس ەكٸمدٸگٸ جٷزەگە اسىرىپ وتىر. ماقساتى – ٶڭٸردەگٸ ٸرٸ, ورتا كەسٸپكەرلەر ميكروبيزنەستٸ, ستارتاپەرلەردٸ قولدايدى. «باستاۋ بيزنەس» تٷلەكتەرٸنە ينۆەستيتسييا سالا وتىرىپ, قارجىلاۋ قولداۋ كٶرسەتەدٸ, مەنتور بولادى. مەنتور جوبانى سٷيەمەلدەيدٸ.
«كەسٸپكەرلٸك قىراندارى» جوباسىنىڭ ٷشٸنشٸ كەزەڭٸندە 7 جوبا ۇسىنىلىپ, تالقىلاندى. ولار: مەديتسينالىق قالدىقتاردى جوياتىن تسەح; جارقىراعان تراتۋارلىق جول پليتكالارىن شىعاراتىن تسەح; «تارماقتار» كٸتابى; قولدان ۇرىقتاندىرۋ جەنە ۆەتەرينارلىق ستانتسييا; عارىشتىق بايلانىس جەنە سپۋتنيكتٸك روبوتوتەحنيكا كەشەنٸ; «Eco-Protect» دٶڭگەلەكتەردٸ قايتا ٶڭدەۋ جوباسى جەنە مٷمكٸندٸگٸ شەكتەۋلٸ جاندارعا قاجەتتٸ ەمبەباپ مونشا سالۋ باستاماسى ۇسىنىلدى.
