ول بۇل تۋرالى فەيسبۋكتەگٸ پاراقشاسىندا جارييالادى, دەپ حابارلايدى Dalanews.kz.
جازۋشى كەيٸنگٸ ۋاقىتتا دەنساۋلىعىنىڭ ناشارلاعانى جايلى جيٸ جازىپ جٷر. ونىڭ ايتۋىنشا, ٷش اي سايىن ەم الىپ جٷرگەن اۋرۋحاناسى ٶزٸن تٸركەۋدەن شىعارىپ تاستاعان.
«اسقازانى جوق اعزامنىڭ قابىلداعان تاعامدى جارتىلاي عانا قورىتىپ, قاجەتتٸ ۆيتاميندەردٸ جەتكٸزە الماي, قانىمدى سۇيىلتىپ, اعارتا باستاعاندا, اۋرۋحاناعا ٷش ايدا بٸر جاتىپ, قىزىل تٷيٸرشٸكتەردٸ بٸراز جيناپ قايتۋشى ەدٸم. تٸركەۋدەن شىعارىپ تاستاعاننان بەرٸ سول قان اعارۋىنان سەسكەنگەن ٷرەيٸمدٸ كٶبٸرەك جازىپ كەتٸپ, ٷمٸتٸمدٸ ٷزگٸزبەي, جٸگەرٸمدٸ جاسىتپاي قاداعالاپ وتىراتىن شەكەم ول جاققا كەتكەلٸ ٷرگەدەك ۋايىمعا سالىنىپ, سٸزدەردٸ دە شوشىتىپ العانىمدى سەزٸنٸپ وتىرمىن. تامىزدىڭ ونىنان اۋرۋحاناعا جاتىپ-شىعىپ, قۇداي قالاسا, قۇلدىراڭداپ ورالام عوي», – دەپ جازدى ول.
سونداي-اق ول وتباسى جايلى دا سٶز قوزعاعان.
«قۇدايعا شٷكٸر ەكٸ ۇل, بٸر قىز, تٶرت نەمەرەم بار. بەرٸ ۋنيۆەرسيتەت تەمامداعان ماماندىق يەلەرٸ. قىزىم ۋنيۆەرسيتەتتەن سوڭ كيمەپتە اعىلشىنشا وقىپ, سوندا اعىلشىن تٸلٸندە ساباق تا بەرگەن.
كەيٸندە ەكٸ مينيسترلٸكتە قىزمەت ٸستەپ جٷرگەن ۇل, قىزىمدى كەرٸم مەسٸموۆ بٸر-اق كٷندە جۇمىستان شىعارىپ جٸبەرگەن- ەدٸ. وعان سەبەپ – مەنٸڭ «ق.مەسٸموۆتىڭ قىتاي مەن رەسەيدٸڭ جوعىن جوقتاپ, قازاق مٷددەسٸن اياققا تاپتاپ وتىر» دەگەن ماقالامنىڭ جارىق كٶرۋٸ ەدٸ.
ٷش بالام دا مەملەكەتتٸك قىزمەتكە ماڭايلاتپاعان سوڭ, اۋلاقتانىپ قالىپ, تيٸپ-قاشتى شارۋامەن كٷن كٶرٸپ جٷر.
بارسەلونادان وقۋ بٸتٸرٸپ كەلگەن نەمەرەمدٸ قىزمەتكە الۋىن سۇراپ ەلباسىعا حات تا جازعام. نازارباەۆتىڭ «تاپسىرۋىمەن» قالا ەكٸمٸ بولعان باۋىرجان بايبەك مىرزا نەمەرەمە ۇلتتىق سارايدىڭ اۋلا سىپىرۋشىسىنىڭ (دۆورنيك) ايلىعى 35 مىڭ ورىنباسارىنىڭ «لاۋازىمىن» ۇسىنىپ, مازاقتاعانداي تٶبەمنەن باسىپ, تٶمەن تۇقىرتقان.
يە, بۇل مەنٸڭ وتباسىمنىڭ ٶزگەلەردەن وزباعان دا, قالماعان دا كٷيٸ عانا», – دەپ جازدى قالامگەر.
ونىڭ سٶزٸنشە, تٸركەۋگە قر ەڭبەك سٸڭٸرگەن قايراتكەرٸ دەگەن اتاعى جارامايدى. تٸركەتۋگە كەرەگٸ – مەملەكەتتٸك سىيلىقتىڭ لاۋرەاتى. نەمەسە جازۋشىدا قازاقستاننىڭ ەڭبەك ەرٸ اتاعى بولۋى تيٸس.
