بۇگىن قالا اكىمى راشيد ايۋپوۆتىڭ قاتىسۋىمەن كوپقاباتتى تۇرعىن ۇيلەردىڭ گاز تاراتۋ شكافتارىن گازبەن تولتىرۋ جۇمىستارى ىسكە قوسىلدى.
ەندى ءار پاتەر تۇرعىندارى "كازترانسگاز ايماق" اق "كەنتاۋ گاز شارۋاشىلىعىنا" بارىپ دەربەس شوت اشۋ ارقىلى ۇيلەرىن گازعا قوسا الادى.
– گازدى قۇبىرلارىن جاساعان مەردىگەر جەكە-جەكە قوسادى. ول ءۇشىن ءار پاتەر تۇرعىندارى ۇيدە بولىپ، گازعا قاجەتتى پەش دايىن بولۋى قاجەت. ماماندار ابدەن تەكسەرىپ، قوسۋعا دايىن دەگەن كەزدە كەزەڭ-كەزەڭىمەن پاتەرلەردى قوسامىز – دەدى تۇركىستان وبلىسى بويىنشا "كازترانسگاز ايماق" اق فيليالىنىڭ ديرەكتورى ەرجان بالابەكوۆ.
قازىرگى تاڭدا كەنتاۋ قالاسى تابيعي گازبەن قامتىلىپ، قالا اۋماعىندا تۇتىنۋشى سانىن كوبەيتۋ جۇمىستارى جۇرگىزىلۋدە، «كازترانسگاز ايماق» اق-نا 2063 ابونەنت تۇتىنۋشى تەحنيكالىق شارت الۋ ءۇشىن ءوتىنىش بەرگەن. قالادا 200-دەن اسا ابونەنت گازبەن قامتىلعان.
– وتە قۋانىشتىمىز. ءۇيىمىزدىڭ ماڭايىنا گاز كەلدى. قالا باسشىلارىنا راحمەت! ايتقان ۋادەلەرىن ورىندادى. ەندى قۇجاتتارىمىزدى دايىنداساق، ۇيىمىزگە گاز قوسىلادى. جولىمىز دا سالىندى، – دەيدى ش.ءۋاليحانوۆ كوشەسىنىڭ تۇرعىنى ورىنكۇل جولدىباي.
جالپى قالانى تابيعي گازبەن قامتۋدىڭ ءىى كەزەڭى نىسانىندا قىسىممەن تەكسەرۋ جۇمىستارى جۇرگىزىلۋدە. ونى بيىل تامىز ايىنىڭ سوڭىندا اياقتاۋ جوسپارلانعان.
