«باستى قۇندىلىق – ادام» دەگەن ۇستانىمداعى قوعامدا ءومىر ءسۇرىپ جاتىرمىز. اتا زاڭىمىزدا سولاي دەلىنگەن.مەملەكەتتىڭ ەڭ قىمبات قازىناسى – ادام جانە ادامنىڭ ءومiرi، قۇقىقتارىنىڭ ساقتالۋى.اتا زاڭىمىزدا جازىلعان ەرەجەنى ساقتاي وتىرا، ءال-فارابي اتىنداعى قازۇۋ ءوزىنىڭ ىشكى تارتىپتەرىن ەنگىزگەن بولاتىن.

ەڭ الدىمەن – ۋنيۆەرسيتەتتە ەڭبەك ءتارتىبى، قىزمەتتىك ادەپ، جالپىعا ورتاق ەتيكا جوعارى دەڭگەيگە كوتەرىلگەن. ءبىرىنشى باسشىدان ءبىرىنشى كۋرستىڭ ستۋدەنتىنە دەيىن ەڭبەك ەتۋ، ءبىلىم الۋ بارىسىندا دەموكراتيالىق ۇستانىمدارعا نەگىزدەلگەن قۇقىقتىق قاعيدالار مەن ادامگەرشىلىك قۇندىلىقتارىنا باعىنادى.سوندىقتان دا ۋنيۆەرسيتەتتە «قازۇۋ وقىتۋشىلارى مەن قىزمەتكەرلەرىنىڭ كورپوراتيۆتىك ادەپ كودەكسى»، «قازۇۋ ستۋدەنتىنىڭ ار-وجدان كودەكسى»، «ءقازۇۋ-دىڭ ەتيكا جونىندەگى كەڭەسى تۋرالى ەرەجە» سەكىلدى قۇقىقتىق-نورماتيۆتىك اكتىلەر تولىق كۇشىنە ەنگەن.ءال-فارابي اتىنداعى قازۇۋ اكادەميالىق ستۋدەنتتەر قاۋىمداستىعى ار-نامىس كودەكسىن قۇرۋشى ۇيىم،ۇيىمنىڭ ماقساتى-باسەكەگە قابىلەتتى جاستاردىڭ قالىپتاسۋىنا ىقپال ەتۋ.             

      ءال-فارابي اتىنداعى قازاق ۇلتتىق ۋنيۆەرسيتەتى ستۋدەنتتەرىنىڭ قاۋىمداستىعىنىڭ ستۋدەنتتەرگە ارنالعان ار-نامىس كودەكسىنەن ۇزىندىلەردى ۇسىنعىمىز كەلىپ وتىر:

 -ۋنيۆەرسيتەتتىڭ جوعارعى ساناتتى جانە ادامگەرشىلىگى اسا جوعارى مامانداردى دايىنداۋ ميسسياسىن جۇزەگە اسىرۋداعى ءوز جاۋاپكەرشىلىگىن سەزىنە وتىرىپ؛

 -ۋنيۆەرسيتەتتىك قاۋىمداستىقتىڭ بىرلەسكەن مادەنيەتىن قولداۋ مەن دامىتۋدى، قازۇۋ-دىڭ قازاقستان رەسپۋبليكاسىنداعى كاسىبي مامانداردى دايىنداۋدىڭ جەتەكشى ورتالىعى جانە وتاندىق ءبىلىم بەرۋدىڭ كوشباسشىسى رەتىندەگى ءيميدجىن ساقتاۋدى ءوزىنىڭ مىندەتى رەتىندە ساناي وتىرىپ؛

-قازۇۋ-دا ستۋدەنتتەرمەن، قىزمەتكەرلەرمەن جانە جوعارى وقۋ ورنىنىڭ اكىمدىگى اراسىندا شىنايى دەموكراتيالىق قارىم-قاتىناستار جۇيەسىن قالىپتاستىرۋعا ۇمتىلا وتىرىپ؛

-قازۇۋ ستۋدەنتىنىڭ اتالىپ وتىرعان ار-نامىس كودەكسىن قابىلدايدى جانە ونى قالتقىسىز ورىنداۋعا مىندەتتەنەدى.ار-نامىس كودەكسى 13-باپتان تۇرادى. ار-نامىس كودەكسى ستۋدەنتتىڭ-قازاقستان رەسپۋبليكاسىنىڭ لايىقتى ازاماتى، تاڭداعان ماماندىعىنىڭ شەبەرى بولۋعا، ءوز بويىندا شىعارماشىلىق تۇلعانىڭ جاقسى قاسيەتتەرىن دامىتۋعا ۇمتىلۋعا جەتەلەيدى دەپ ويلايمىن.        ستۋدەنت -وزىنەن ۇلكەندەرگە قۇرمەتپەن قاراۋعا، ءوزىن قورشاعان ادامدارعا دورەكىلىك كورسەتپەيدى، مۇمكىندىگىنشە الەۋمەتتىك قورعالماعان ادامدارعا قامقورلىق كورسەتۋگە شاقىرادى.ستۋدەنت – ادەپتىلىكتىڭ، مادەنيەتتىڭ جانە ادامگەرشىلىكتىڭ ۇلگىسى، ونەگەسىزدىككە قارسى، دىنىنە، ۇلتىنا جانە جىنىسىنا بايلانىستى كەمسىتۋشىلىككە جول بەرمەيتىن ەلىنىڭ ناعىز پاتريوتى بولۋعا جەتەلەيدى.ستۋدەنت -سالاۋاتتى ءومىر سالتىن ۇستانادى جانە زياندى ارەكەتتەردەن تولىقتاي باس تارتادى. ستۋدەنت — جوو-نىڭ داستۇرلەرىن قۇرمەتتەيدى، ينستيتۋت مۇلكىن، ستۋدەنتتەر ۇيىندەگى تازالىق پەن ءتارتىپتى ساقتايدى ت.ب ەرەجەلەرگە باعىنادى.ەلىمىزدىڭ داڭقتى باتىرى ب.مومىش ۇلى «تارتىپكە باعىنعان قۇل بولمايدى»دەمەكشى زاڭىنا باعىنعان قوعامنىڭ العا قاراي ورلەۋى زاڭدىلىق دەپ سانايمىن.

كالييەۆا گ.س

ءال-فارابي اتىنداعى قازۇۋ-دىڭ زاڭ فاكۋلتەتى كەدەن قارجى جانە ەكولوگيالىق قۇقىق كافەدراسىنىڭ دوسەنتى،ز.ع.ك

سى شۋوپۋ

ءال-فارابي اتىنداعى قازۇۋ-دىڭ زاڭ فاكۋلتەتى كەدەن قارجى جانە ەكولوگيالىق قۇقىق كافەدراسىنىڭ ءبىلىم الۋشىسى