«Basty qundylyq – adam» degen ustanymdaǵy qoǵamda ómir súrip jatyrmyz. Ata Zańymyzda solai delingen.Memlekettiń eń qymbat qazynasy – adam jáne adamnyń ómiri, quqyqtarynyń saqtalýy.Ata zańymyzda jazylǵan erejeni saqtai otyra, Ál-Farabi atyndaǵy QazUÝ óziniń ishki tártipterin engizgen bolatyn.
Eń aldymen – ýniversitette eńbek tártibi, qyzmettik ádep, jalpyǵa ortaq etika joǵary deńgeige kóterilgen. Birinshi basshydan birinshi kýrstyń stýdentine deiin eńbek etý, bilim alý barysynda demokratiialyq ustanymdarǵa negizdelgen quqyqtyq qaǵidalar men adamgershilik qundylyqtaryna baǵynady.Sondyqtan da ýniversitette «QazUÝ oqytýshylary men qyzmetkerleriniń korporativtik ádep kodeksi», «QazUÝ stýdentiniń ar-ojdan kodeksi», «QazUÝ-diń Etika jónindegi keńesi týraly Ereje» sekildi quqyqtyq-normativtik aktiler tolyq kúshine engen.Ál-Farabi atyndaǵy QazUÝ akademiialyq stýdentter qaýymdastyǵy ar-namys kodeksin qurýshy uiym,uiymnyń maqsaty-básekege qabiletti jastardyń qalyptasýyna yqpal etý.
Ál-Farabi atyndaǵy Qazaq ulttyq ýniversiteti stýdentteriniń qaýymdastyǵynyń stýdentterge arnalǵan ar-namys kodeksinen úzindilerdi usynǵymyz kelip otyr:
-Ýniversitettiń joǵarǵy sanatty jáne adamgershiligi asa joǵary mamandardy daiyndaý missiiasyn júzege asyrýdaǵy óz jaýapkershiligin sezine otyryp;
-Ýniversitettik qaýymdastyqtyń birlesken mádenietin qoldaý men damytýdy, QazUÝ-dyń Qazaqstan Respýblikasyndaǵy kásibi mamandardy daiyndaýdyń jetekshi ortalyǵy jáne otandyq bilim berýdiń kóshbasshysy retindegi imidjin saqtaýdy óziniń mindeti retinde sanai otyryp;
-QazUÝ-da stýdenttermen, qyzmetkerlermen jáne joǵary oqý ornynyń ákimdigi arasynda shynaiy demokratiialyq qarym-qatynastar júiesin qalyptastyrýǵa umtyla otyryp;
-QazUÝ stýdentiniń atalyp otyrǵan Ar-namys kodeksin qabyldaidy jáne ony qaltqysyz oryndaýǵa mindettenedi.Ar-namys kodeksi 13-baptan turady. Ar-namys kodeksi stýdenttiń-Qazaqstan Respýblikasynyń laiyqty azamaty, tańdaǵan mamandyǵynyń sheberi bolýǵa, óz boiynda shyǵarmashylyq tulǵanyń jaqsy qasietterin damytýǵa umtylýǵa jeteleidi dep oilaimyn. Stýdent -ózinen úlkenderge qurmetpen qaraýǵa, ózin qorshaǵan adamdarǵa dórekilik kórsetpeidi, múmkindiginshe áleýmettik qorǵalmaǵan adamdarǵa qamqorlyq kórsetýge shaqyrady.Stýdent – ádeptiliktiń, mádeniettiń jáne adamgershiliktiń úlgisi, ónegesizdikke qarsy, dinine, ultyna jáne jynysyna bailanysty kemsitýshilikke jol bermeitin eliniń naǵyz patrioty bolýǵa jeteleidi.Stýdent -salaýatty ómir saltyn ustanady jáne ziiandy áreketterden tolyqtai bas tartady. Stýdent — JOO-nyń dástúrlerin qurmetteidi, institýt múlkin, Stýdentter úiindegi tazalyq pen tártipti saqtaidy t.b erejelerge baǵynady.Elimizdiń dańqty batyry B.Momyshuly «Tártipke baǵynǵan qul bolmaidy»demekshi zańyna baǵynǵan qoǵamnyń alǵa qarai órleýi zańdylyq dep sanaimyn.
Kalieva G.S
ál-Farabi atyndaǵy QazUÝ-dyń zań fakýlteti keden qarjy jáne ekologiialyq quqyq kafedrasynyń dotsenti,z.ǵ.k
Sy Shýopý
ál-Farabi atyndaǵy QazUÝ-dyń zań fakýlteti keden qarjy jáne ekologiialyq quqyq kafedrasynyń bilim alýshysy
