"103 بريگاداسىنا بٸردەن حابارلاسىپ, ولار ساعات 09.00 شاماسىندا كەلدٸ. زورلانىپ, سوققى جەگەن قىز بالا سۋيتسيد جاساماق بولعان ەكەن. ودان بٶلەك دەنەسٸ تٸلٸنٸپ كەتكەن", - دەيدٸ قىزعا كٶمەككە كەلگەن تۇرعىنداردىڭ بٸرٸ.
وبلىستىق پوليتسييا دەپارتامەنتٸندەگٸلەر بۇل دەرەككە قاتىستى پٸكٸر بٸلدٸردٸ. بۇل دەرەك تالعار اۋداندىق پوليتسييا باسقارماسىندا تٸركەلٸپتٸ.
"قىز بالا سوققى جەپ, زورلانعانىن جوققا شىعارىپ وتىر جەنە ارىز جازۋدان باس تارتتى. پوليتسييا وعان قاراماستان قىلمىستىق ٸس قوزعادى. قازٸرگٸ ۋاقىتتا بولعان وقيعانىڭ مەن-جايىن انىقتاۋ ٷشٸن تەرگەۋ ٸس شارالارىنىڭ كەشەنٸ جٷرگٸزٸلٸپ جاتىر", - دەيدٸ پوليتسەيلەر.
ەسكە سالايىق, بۇعان دەيٸن الماتى وبلىسىنداعى تالعار قالاسىندا تٶتەنشە جاعداي بولعانىن, ادام زورلادى دەگەن كٷدٸكتٸ تەرگەۋ يزولياتورىنان قاشىپ كەتكەنٸن جازعان ەدٸك.
قازٸرگٸ تاڭدا ٸستٸڭ مەن-جايى انىقتالىپ جاتىر. كٶرشٸلەرٸنٸڭ سٶزٸنشە, 26 جاستاعى ەر ادام كەمەلەتكە تولماعان تۋىس قارىنداسىن زورلاعانى ٷشٸنٸ ۇستالعان.
تٷندە قالا بويىنشا بلوكبەكەتتەر قويىلىپ, كٷندٸز ولار الىنىپ تاستالدى. ەر ادام تەمٸر تورعا تٷسەر الدىندا تەرەڭقارا اۋىلىندا تۇرعان ەكەن. ونىڭ ٷيٸن پوليتسەيلەر باقىلاۋعا الدى. تۋىستارى جۋرناليستەرمەن سٶيلەسپەي قويعان.
كٷدٸكتٸ ەر ادامنىڭ كٶرشٸلەرٸنٸڭ سٶزٸنشە, ول بۇعان دەيٸن دە جاۋاپقا تارتىلعان. كەيٸننەن اناسىمەن بٸرگە تۇرعان. بٸر جىلدارى اناسى 8-سىنىپتا وقيتىن نەمەرە قىزىن اسىراپ العان. ەر ادام سول قىزدى زورلاعان. بۇل تۋرالى العاش بولىپ مەكتەپ مۇعالٸمدەرٸ بٸلگەن.
"ەر ادام قىزدى زورلاعانى تۋرالى مۇعالٸمدەرٸ اناسىنا ايتىپ بەرگەن. وقيعا جازعى كانيكۋل كەزٸندە بولعان. مۇنداي جاعدايلار بۇعان دەيٸن دە بولعان ەكەن", - دەيدٸ تۇرعىنداردىڭ بٸرٸ.
تەرگەۋ يزولياتورىنىڭ جان-جاعىندا كامەرالار تۇر. باقىلاۋ-ٶتكٸزۋ ايماعىندا كەزەكشٸلەر وتىر. الايدا كٷدٸكتٸ تەرگەۋ يزولياتورىنان كٷدٸكتٸ قالاي قاشىپ كەتكەنٸن ەشكٸم تٷسٸندٸرە الماعان.
