"103 brigadasyna birden habarlasyp, olar saǵat 09.00 shamasynda keldi. Zorlanyp, soqqy jegen qyz bala sýitsid jasamaq bolǵan eken. Odan bólek denesi tilinip ketken", - deidi qyzǵa kómekke kelgen turǵyndardyń biri.
Oblystyq Politsiia departamentindegiler bul derekke qatysty pikir bildirdi. Bul derek Talǵar aýdandyq politsiia basqarmasynda tirkelipti.
"Qyz bala soqqy jep, zorlanǵanyn joqqa shyǵaryp otyr jáne aryz jazýdan bas tartty. Politsiia oǵan qaramastan qylmystyq is qozǵady. Qazirgi ýaqytta bolǵan oqiǵanyń mán-jaiyn anyqtaý úshin tergeý is sharalarynyń kesheni júrgizilip jatyr", - deidi politseiler.
Eske salaiyq, buǵan deiin Almaty oblysyndaǵy Talǵar qalasynda tótenshe jaǵdai bolǵanyn, adam zorlady degen kúdikti tergeý izoliatorynan qashyp ketkenin jazǵan edik.
Qazirgi tańda istiń mán-jaiy anyqtalyp jatyr. Kórshileriniń sózinshe, 26 jastaǵy er adam kámeletke tolmaǵan týys qaryndasyn zorlaǵany úshini ustalǵan.
Túnde qala boiynsha blokbeketter qoiylyp, kúndiz olar alynyp tastaldy. Er adam temir torǵa túser aldynda Tereńqara aýylynda turǵan eken. Onyń úiin politseiler baqylaýǵa aldy. Týystary jýrnalistermen sóilespei qoiǵan.
Kúdikti er adamnyń kórshileriniń sózinshe, ol buǵan deiin de jaýapqa tartylǵan. Keiinnen anasymen birge turǵan. Bir jyldary anasy 8-synypta oqityn nemere qyzyn asyrap alǵan. Er adam sol qyzdy zorlaǵan. Bul týraly alǵash bolyp mektep muǵalimderi bilgen.
"Er adam qyzdy zorlaǵany týraly muǵalimderi anasyna aityp bergen. Oqiǵa jazǵy kanikýl kezinde bolǵan. Mundai jaǵdailar buǵan deiin de bolǵan eken", - deidi turǵyndardyń biri.
Tergeý izoliatorynyń jan-jaǵynda kameralar tur. Baqylaý-ótkizý aimaǵynda kezekshiler otyr. Alaida kúdikti tergeý izoliatorynan kúdikti qalai qashyp ketkenin eshkim túsindire almaǵan.
