تالعاردا بٸر توپ جٸگٸت ٶلتٸرٸپ كەتكەن 16 جاستاعى شەرزاتتىڭ ەپكەسٸ مەلٸمدەمە جاسادى, - دەپ حابارلايدى Dalanews.kz.
مارقۇمنىڭ ەپكەسٸ باقىت رەيموۆانىڭ سٶزٸنشە, پوليتسەيلەر تٶبەلەسكە قاتىسۋشىلاردىڭ بەرٸن ەلٸ قاماۋعا الماعان. ول قۇزىرلى ورگانداردان كٷدٸكتٸلەردٸڭ بەرٸن ۇستاپ, كٶرسەتۋٸن تالاپ ەتتٸ.
"ەگەر رەزونانس جاساماساق, بٸزدٸ ەشكٸم ەستٸمەيدٸ. ٸنٸم ەسكەري قىزمەتكەر بولعىسى كەلدٸ. قانشاما ارماندارى ٸشٸندە ٶزٸمەن بٸرگە كەتتٸ. سونداي ٶكٸنٸشتٸ جاعداي. بۇلاي بولماۋى كەرەك ەدٸ", - دەيدٸ باقىت رەيموۆا.
ونىڭ ايتۋىنشا, شەرزاتتى كٷدٸكتٸلەر ايۋاندىقپەن ٶلتٸرگەن. قانسىراپ جاتقانىندا كٷدٸكتٸلەردٸڭ بٸرەۋٸ ارتىنان كەلٸپ, اۆتوماتپەن ۇرعان ەكەن.
"16 جاسار بالانى اناسىنىڭ كٶزٸنشە ايۋاندىقپەن ٶلتٸردٸ. قانسىراپ جاتقانىندا بٸرەۋٸ ارتىنان كەلٸپ, اۆتوماتپەن ۇرعان. مەيٸتتٸ ٶز كٶزٸممەن كٶردٸم. بالانىڭ باسى قاق ايىرىلىپ كەتكەن. 30-عا كەلگەن ەركەكتەر 16-داعى جاسٶسپٸرٸمگە جابىلعان. ەكەسٸن ساباپ, باۋىرىمدى ٷش جەردەن پىشاقتاپ كەتكەن. بٸر سىرا بەرمەگەنٸ ٷشٸن ٶلدٸ. ماسقارا عوي. ەكەسٸنە قورعان بولعانى ٷشٸن ٶلتٸرٸپ كەتتٸ. ەندٸ ولاردى نەگە شىعارىپ جٸبەرەدٸ? ەدٸلدٸك قايدا? قاي مەملەكەتتە ٶمٸر سٷرٸپ جاتىرمىز? وسىلاي بٸزدٸڭ بالالارىمىز ٶلٸپ كەتە بەرە مە? بۇل نە دەگەن سۇمدىق?", - دەيدٸ مارقۇمنىڭ ەپكەسٸ.
شەرزاتتىڭ تۋىستارى كەمٸندە 13 كٷدٸكتٸ بارىن ايتادى. الايدا پوليتسييا 7 ادامدى عانا ۇستاپتى. وقيعا ورنىندا بولعان شەرزاتتىڭ ەكەسٸ دە مەلٸمدەمە جاسادى. ول ەدٸل سوت تالاپ ەتتٸ.
الماتى وبلىسىنىڭ پوليتسيياسى جاسٶسپٸرٸمنٸڭ ٶلٸمٸنە قاتىستى قىلمىستىق ٸس قوزعادى.
"كٸسٸ ٶلتٸرۋ فاكتٸسٸ بويىنشا پوليتسييا قىلمىستىق ٸس قوزعادى. وقيعانىڭ بارلىق قاتىسۋشىسى ۇستالىپ, ۋاقىتشا ۇستاۋ يزولياتورىنا قامالدى. قىلمىستىق ٸستٸ تەرگەۋ وبلىستىق پوليتسييا دەپارتامەنتٸ باسشىلىعىنىڭ ەرەكشە باقىلاۋىندا", — دەلٸنگەن رەسمي جاۋاپتا.
تٶبەلەسكە قاتىسقان شەرزاتتىڭ اعاسىنا ٷش رەت پىشاق سالعانى بەلگٸلٸ بولدى. قازٸر ەر ادام اۋرۋحانادا ەم قابىلداپ جاتىر.
ايتا كەتەيٸك, شەرزاتتىڭ ەكەسٸ جالعا دٷكەن الىپ, ساۋدا جاساۋمەن اينالىساتىن. ارتى ٶلٸممەن اياقتالعان تٶبەلەس وسى دٷكەننەن باستالعان.
بٸر جٸگٸت دٷكەنگە كەلٸپ, بٸر قۇتى سىرا الىپ, اقشاسىن تٶلەمەي كەتە بارعان. شەرزاتتىڭ ەكەسٸ سىرانىڭ اقشاسىن تٶلەۋدٸ تالاپ ەتكەن كەزدە جانجال تۋىنداعان.
شەرزات وسى سەتتە كليەنتتٸڭ دٷكەننەن شىعىپ كەتۋٸن سۇراعان. بٸراق سىرا العان جٸگٸت دوستارىنا قوڭىراۋ سوعىپ, دٷكەنگە ٷش كٶلٸكپەن بٸر توپ جٸگٸت كەلگەن.
بٸر توپ جٸگٸت شەرزاتتى تەپكٸلەي باستاعان. بۇل سەتتٸ تۇرعىندار ۆيدەوعا تٷسٸرٸپ العان. 10-شى سىنىپتا وقيتىن شەرزات اتا-اناسىنىڭ دٷكەنٸنە كەزدەيسوق كەلگەن. سۋىق قارۋمەن كەلگەن بۇزاقىلار ەشكٸمدٸ اياماپتى. قانسىراعان بٸر وتباسىنىڭ مٷشەلەرٸ اۋرۋحاناعا جەتكٸزٸلگەن. كٶپ ۇزاماي شەرزات جانساقتاۋ بٶلٸمٸندە كٶز جۇمعان.
