وبلىس باسشىسى اماندىق باتالوۆتىڭ اۋدان، قالا اكىمدەرىنە مەديسينالىق ماسكالاردى تىگۋدى جولعا قويۋ جانە ءوندىرىس قارقىنىن ارتتىرۋ تۋرالى تاپسىرماسىن ورىنداۋ ماقساتىندا وبلىس ورتالىعى تالدىقورعان قالاسىندا مەديسينالىق بەتپەردە تىگەتىن جاڭا سەح اشىلدى، - دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.
«تەحنو اۆيا گرۋپ» ج ش س ديرەكتورى جارىلقاسىن بولات ۇلىنىڭ ايتۋىنشا، بۇل سەحتا 50 تىگىنشى كۇنىنە 30 مىڭ بەتپەردە تىگە الادى.
جالپى اۋماعى 490 شارشى مەتردى قۇرايتىن ءوندىرىس ورنىندا قۇنى 28 ملن. تەڭگەنىڭ ءتۇرلى قالىڭدىقتاعى ماتەريالداردى تىگۋگە ارنالعان ەلەكتر قوزعالتقىشتى جوعارى جىلدامدىقتى امبەباپ تىگىن ماشينالارى ورناتىلعان. ولار ەڭ كوبى مينۋتىنا 5000 رەت اينالا الاتىن تىگىس جىلدامدىعىنا يە.
قازىرگى ۋاقىتتا مۇندا ءبىر رەتتىك قولدانىلاتىن 3 قاباتتى مەديسينالىق بەتپەردەلەر تىگىلۋدە.
الداعى ۋاقىتتا بىرنەشە رەت پايدالانۋعا بولاتىن تريكوتاجدى ماسكالار، حالاتتار، كومبينەزوندار، الجاپقىشتار، قولعاپتار، جۇمىس كۇرتەشەلەرى جانە تاپسىرىسقا بايلانىستى تاعى دا باسقا كيىم-كەشەك تۇرلەرىن تىگۋ جوسپارى بار.
